Briwnyn 17:6 - Yn Vible Casherick 1775 1819

⁶ Ayns ny laghyn shoh cha row ree ayns Israel, agh ren dy chooilley ghooinney myr baillish hene.

Briwnyn 17:6 ပူးပေါင်းရင်းမြစ်များ

Genesis 36:31

As ad shoh ny reeaghyn, va reill ayns cheer Edom, roish my row ree erbee harrish cloan Israel.

Psalmyn 12:4

Adsyn ta er ghra, Lesh nyn jengey yiow mayd barriaght: shin hene lhisagh loayrt; quoi ta ny hiarn harrin?

Raaghyn Creeney 12:15

Ta raad ommydan jeeragh ayns e hooillyn hene; agh t’eshyn creeney eaishtys rish coyrle.

Raaghyn Creeney 14:12

Ta raad ayn, as er-lesh dooinney dy vel eh jeeragh: agh ta’n jerrey echey raaidyn y vaaish.

Raaghyn Creeney 16:2

Ta ooilley raaidyn dooinney glen ayns e hooillyn hene: agh ta’n Chiarn meihaghey ny spyrrydyn.

Ecclesiastes 11:9

Gow boggey, O ghooinney aeg ayns dty aegid, as lhig da dty chree oo y gherjaghey ayns laghyn dty aegid, as jean gimmeeaght ayns raaidyn dty chree, as lurg shilley dty hooillyn hene: agh toig uss son ooilley ny reddyn shoh, dy der Jee lesh oo gys briwnys.

Deuteronomy 12:8

Cha jean shiu ayns shen, myr ta shin nish dy yannoo ayns shoh, dy chooilley ghooinney myr saillish hene.

Deuteronomy 33:5

As v’eh myr ree ayns Jeshurun, tra va leeideilee yn pobble, as tribeyn Israel er nyn jaglym cooidjagh.

Briwnyn 18:1

Ayns ny laghyn shen cha row ree ayns Israel: as ec y traa cheddin ren tribe ny Daniteyn shirrey magh eiraght sodjey daue hene dy chummal ayn; son gys y laa shen cha row ad er gheddyn nyn slane eiraght mastey tribeyn Israel.

Briwnyn 19:1

As haink eh gy-kione, ayns ny laghyn shen, tra nagh row ree ayns Israel, dy row Levite cummal er lhiattee cronk Ephraim, ghow da hene co-lhiabbagh veih Beth-lehem-judah.

Briwnyn 21:25

Ayns ny laghyn shen cha row ree ayns Israel: agh dy chooilley ghooinney jannoo lurg e aigney hene.

Briwnyn 21:3

As dooyrt ad, O Hiarn Yee Israel, cre’n-oyr ta shoh er duittym er Israel, dy beagh un tribe nish caillit ayns Israel?