Briwnyn 17:5 - Yn Vible Casherick 1775 1819

⁵ As va ec Micah cabbal ayns e hie, as ren eh ephod, as teraphim, as ren eh fer jeh e vec y chasherickey, dy ve ny haggyrt da.

Briwnyn 17:5 ပူးပေါင်းရင်းမြစ်များ

Genesis 31:19

As hie Laban dy lommyrt e chirree: as va Rachel er ghoaill ec e laue hene ny jallooyn va lesh yn ayr eck.

Genesis 31:30

As nish, ga dy r’ou shleeuit er goll royd, er-yn-oyr dy row foddeeaght jeean ort lurg thie dty ayrey, ny-yeih cre’n-fa t’ou er gheid ny jeeghyn aym.

1 Reeaghyn 12:31

As hrog eh thie er cronk ard, as ren eh saggyrtyn jeh’n vooinjer s’inshley jeh’n pobble, nagh row jeh mec Levi.

1 Reeaghyn 12:32

As doardee Jeroboam feailley er yn hoghtoo vee, er y wheiggoo laa yeig jeh’n vee, casley rish yn feailley t’ayns Judah, as hie eh seose gys yn altar, (myr shoh ren eh ayns Beth-el,) dy hebbal oural gys ny lheiyee v’eh er n’yannoo: as hoie eh ayns Beth-el saggyrtyn ny ynnydyn ardey v’eh er n’yannoo.

Ezra 1:7

Hug Cyrus y ree lesh magh myrgeddin siyn thie’n Chiarn, va Nebuchadnezzar er choyrt lesh ass Jerusalem, as er choyrt ad ayns thie e yeeghyn hene:

Exodus 24:5

As hug eh magh deiney aegey jeh cloan Israel, ren chebbal ourallyn-losht, as dew son ourallyn-shee gys y Chiarn.

Exodus 28:15

As nee oo yn breast-plate dy vriwnys, lesh obbyr schleioil, jeh’n un obbyr rish yn ephod nee oo eh; jeh airh, jeh purple, as scarleod, as dy heeidey nee oo eh.

Exodus 28:4

As shoh ny garmadyn nee ad jannoo, breast-plate as ephod, as garmad liauyr, as cooat laatshit, as mitre, as cryss: as nee ad garmadyn casherick da Aaron dty vraar, as e vec, dy vod eh jannoo shirveish dooys ayns oik y taggyrt.

Exodus 29:9

As ver oo cryssyn moo [Aaron as e vec] as ver oo ny bayrnyn orroo: as lhieusyn vees oik y taggyrtys, liorish oardagh beayn: as nee oo Aaron as e vec y chasherickey.

Isaiah 44:13

Ta’n seyir sheeyney magh e rule, t’eh markal magh eh lesh line, t’eh kiartaghey eh lesh planeyn, as goaill towshan lesh y chombaase, as jannoo eh ayns cummey dooinney, cordail rish stoamid dooinney; dy hoiaghey seose eh ayns e hie.

Ezekiel 21:21

Son hass ree Vabylon ec chyndaa yn raad, ec kione y daa raad, dy hirrey lurg obbeeys: ren eh sollys e hideyn, ren eh coyrle y ghoaill rish jallooyn, yeeagh eh son cowrey ’syn aane.

Ezekiel 21:26

Myr shoh ta’n Chiarn Jee dy ghra, Scugh voish yn attey reeoil, gow jeh yn chrown: cha bee eh myr v’eh: trog-jee eshyn ta injil, as cur-jee sheese eshyn ta ard.

Hosea 3:4

Son bee cloan Israel ry-foddey gyn ree, as gyn reejerey, as gyn oural, as gyn jalloo, as gyn ephod, as gyn teraphim.

Hosea 8:14

Son ta Israel er yarrood e er-croo, as troggal chiambleyn; as ta Judah er vishaghey ard-valjyn voallit: agh ver-yms aile er e ard-valjyn, as nee eh stroie nyn dhieyn reeoil.

Earrooyn 3:10

As nee oo pointeil Aaron, as e vec, as nee adsyn cooilleeney oik y taggyrtys; as bee’n joarree hig er-gerrey, er ny choyrt gy-baase.

Hebrewnee 5:4

As cha vel dooinney erbee goaill yn ooashley shoh er hene, agh eshyn ta er ny eam liorish Jee, myr va Aaron:

Briwnyn 17:4

Agh cha goghe eh yn argid veih e voir, as ghow e voir daa cheead shekel jeh’n argid, as hug ee ad da’n obbree, ren jalloo grainnit jeh, as jalloo lheït: as v’ad ayns thie Micah.

Briwnyn 18:14

Eisht dreggyr ny queig deiney hie dy ghoaill baght jeh cheer Laish, as dooyrt ad rish nyn mraaraghyn, Vel fys eu dy vel ayns ny thieyn shoh, ephod, as teraphim, as jalloo grainnit, as jalloo lheït? nish er-y-fa shen, smooinee-jee cre t’eu dy yannoo?

Briwnyn 18:24

As dooyrt eh, Ta shiu er ghoaill ersooyl my yeeghyn ta mee er n’yannoo, as yn saggyrt, as er n’gholl ersooyl lhieu: as cre share t’aym? As vel shiu gra rhym, Cre ta jannoo ort?

Briwnyn 18:30

As hoie cloan Dan seose yn jalloo grainnit: as va Jonathan mac Ghershom, mac Voses, eh-hene as e vec nyn saggyrtyn da tribe Dan gys traa cappeeys yn arg.

Briwnyn 8:27

As jeu shoh ren Gideon Ephod, as hoie eh seose eh ayns Ophrah, yn ard-valley echey hene: as hie ooilley Israel er-shaghryn liorish coyrt ooashley da: yn red cheddin haink dy ve ribbeh da Gideon, as da e hie.

1 Samuel 19:13

As ghow Michal jalloo, as hug ee eh ayns y lhiabbee, as hug ee pillow dy gheaysh ghoair son bolstyr, as hug ee eaddagh harrish.

1 Samuel 23:6

As haink eh gy-kione, tra hie Abiathar mac Ahimelech er-chea gys David ec Keilah, dy daink eh sheese as e choamrey casherick ny laue.