Briwnyn 17:3 - Yn Vible Casherick 1775 1819

³ As tra v’eh er livrey yn un cheead jeig shekel dy argid da e voir, dooyrt e voir, Va mee er chasherickey yn slane argid shen gys y Chiarn, veih my laue, gour my vac, dy yannoo jalloo grainnit, as jalloo lheït: nish er-y-fa shen, ta mee dy choyrt dhyt eh reesht.

Briwnyn 17:3 ပူးပေါင်းရင်းမြစ်များ

2 Recortyssyn 33:7

As hoie eh seose jalloo grainnit (yn jalloo v’eh er n’yannoo) ayns thie Yee, my-e-chione va Jee er ghra rish David, as rish Solomon e vac, ’Sy thie shoh, as ayns Jerusalem, ta mee er reih roish ooilley tribeyn Israel, ver-ym’s m’ennym son dy bragh.

Exodus 20:23

Cha jean shiu diu hene mârym’s jeeghyn argid, chamoo nee shiu diu hene jeeghyn airhey.

Exodus 20:4

Cha jean oo dhyt hene jalloo granit erbee, ny co-chaslys jeh nhee erbee dy vel ayns niau heose, ny er y thalloo wass, ny t’ayns yn ushtey fo’n thalloo.

Exodus 34:17

Cha jean oo dhyt hene jeeghyn lheït erbee.

Isaiah 30:22

Nee shiu myrgeddin coontey myr neu-ghlen coodagh dty yallooyn grainnit dy argid, as coamrey dty yallooyn lheït dy airh: nee oo ad y cheau ersooyl myr aanrit neu-ghlen; jir oo rish, Fow ass my enish.

Isaiah 66:3

Ta eshyn ta marroo dow myr dy marragh eh dooinney; eshyn ta ouralley eayn, myr eshyn ta chebbal kione moddey; eshyn ta chebbal oural, goll-rishyn hebbagh fuill muickey; eshyn ta lostey incense, myr eshyn ta ooashlaghey jalloo: dy jarroo, t’ad er reih ny raaidyn oc hene, as ta’n annym oc goaill taitnys ayns nyn obbraghyn dwoaiagh.

Jeremiah 10:8

Agh t’ad ooilley-cooidjagh bolvaneagh as gyn tushtey; ta’n jalloo ny ynsagh dy ardalys.

Leviticus 19:4

Cha chyndaa shiu gys jallooyn, ny jannoo diu hene jeeghyn grainnit: Mish y Chiarn y Jee eu.

Noo Ean 16:2

Ver ad shiu magh ass ny kialteenyn: as ta’n oor cheet, quoi-erbee varrys shiu, dy smooinee eh dy bee eh shirveish Jee.

Deuteronomy 12:3

As nee shiu lhieggal ny altaryn oc, as brishey ny pillaryn, as lostey ny keylljyn oc lesh aile, as nee shiu giarey sheese jallooyn grainnit ny jeeghyn oc, as nyn enmyn y stroie ass yn ynnyd shen.

Deuteronomy 27:15

Cursit ta’n dooinney, ta jannoo jalloo erbee grainnit ny roit, ny red feohdoil da’n Chiarn, jeant liorish laueyn yn obbree, dy choyrt eh ayns ynnyd follit: as nee ooilley’n pobble gansoor, as gra, Amen.

Briwnyn 17:13

Eisht dooyrt Micah, Nish ta fys aym dy jean y Chiarn m’y vannaghey, fakin dy vel Levite aym dy ve my haggyrt.

Briwnyn 17:2

As dooyrt eh rish e voir, Yn un cheead jeig shekel dy argid, v’er ny gheid voïd, mychione ghwee oo mollaght, as loayr oo jeh ayns my chlashtyn, cur-my-ner, ta’n argid aym’s; mish ghow eh. As dooyrt e voir, Bannit dy row uss veih’n Chiarn, my vac.

Briwnyn 17:4

Agh cha goghe eh yn argid veih e voir, as ghow e voir daa cheead shekel jeh’n argid, as hug ee ad da’n obbree, ren jalloo grainnit jeh, as jalloo lheït: as v’ad ayns thie Micah.

Briwnyn 18:30

As hoie cloan Dan seose yn jalloo grainnit: as va Jonathan mac Ghershom, mac Voses, eh-hene as e vec nyn saggyrtyn da tribe Dan gys traa cappeeys yn arg.

Briwnyn 18:5

As dooyrt ad rish, Shir coyrle, ta shin guee ort, er Jee, dy vod fys ’ve ain, jig y jurnah ta shin dy ghoaill dy mie lhien.