Briwnyn 17:2 - Yn Vible Casherick 1775 1819

² As dooyrt eh rish e voir, Yn un cheead jeig shekel dy argid, v’er ny gheid voïd, mychione ghwee oo mollaght, as loayr oo jeh ayns my chlashtyn, cur-my-ner, ta’n argid aym’s; mish ghow eh. As dooyrt e voir, Bannit dy row uss veih’n Chiarn, my vac.

Briwnyn 17:2 ပူးပေါင်းရင်းမြစ်များ

Genesis 14:19

As vannee eshyn eh, as dooyrt eh, Bannit dy row Abram liorish y Jee smoo syrjey, leshyn ta niau as thalloo.

Nehemiah 13:25

As hass mee seose nyn ’oï, as hug mee oghsan daue, as doardee mee paart jeu dy ve er nyn mwoalley, as y folt dy ve goit jeu, as hug mee orroo breearrey liorish Jee, gra, Cha der shiu ny inneenyn euish da ny mec ocsyn, ny goaill ny inneenyn oc da ny mec euish, ny diu hene.

Psalmyn 10:3

Son ta’n dooinney mee-chrauee er voggyssagh jeh yeearree e chree hene: as loayrt dy mie jeh’n er sayntoilagh ta feoh ec Jee er.

Exodus 20:7

Cha gow ennym y Chiarn dty Yee ayns fardail; son cha gum y Chiarn eshyn gyn loght ta goaill e ennym ayns fardail.

Raaghyn Creeney 28:24

Quoi-erbee speeinys e ayr, as e voir, as jirrys, Nagh vel skielley erbee ayn; ta’n fer shen sheshey yn stroider.

Jeremiah 48:10

Cursit dy row eshyn ta jannoo obbyr y Chiarn dy molteyragh, as mollaght dy row ersyn ta lhiettal e chliwe veih fuill.

Noo Mian 26:74

Eisht ren eh toshiaght dy ghweeaghyn as dy loo, gra, Cha nione dou yn dooinney. As chelleeragh ren y kellagh gerrym.

Romanee 9:3

Son baillym dy beign hene giarit magh veih Creest, er graih my vraaraghyn as my chynney cordail rish yn eill:

1 Corinthianee 16:22

My ta dooinney erbee nagh vel graih echey er y Chiarn Yeesey Creest, lhig da ve Anathema Maranatha.

Deuteronomy 27:16

Cursit t’eshyn, ta soiaghey beg jeh e ayr as e voir: as jir ooilley’n pobble, Amen.

2 Ean 1:11

Son eshyn ta goltaghey da, t’eh paarteeas mârish ayns e ghrogh-yannoo.

Briwnyn 17:1

As va dooinney dy row jeh slieau Ephraim, yn ennym echey va Micah.

Briwnyn 17:3

As tra v’eh er livrey yn un cheead jeig shekel dy argid da e voir, dooyrt e voir, Va mee er chasherickey yn slane argid shen gys y Chiarn, veih my laue, gour my vac, dy yannoo jalloo grainnit, as jalloo lheït: nish er-y-fa shen, ta mee dy choyrt dhyt eh reesht.

Briwnyn 5:23

Gwee-jee mollaght er Meroz, (dooyrt ainle y Chiarn;) gwee-jee mollaght trome er ny cummaltee eck; er-yn-oyr nagh daink ad gys cooney yn Chiarn, gys cooney’n Chiarn noi’n vooinjer niartal.

Ruth 3:10

As dooyrt eh, Bannit dy row uss jeh’n Chiarn, my inneen; son t’ou er yeeaghyn ny smoo dy chenjallys ’sy chooish s’jerree shoh na ec y toshiaght, fakin nagh deiyr oo er deiney aegey, berchagh ny boght.

1 Samuel 14:24

As va deiney Israel fo seaghyn yn laa shen: son dy row Saul er choyrt y pobble fo sarey chion, gra, Cursit dy row’n dooinney ghoys monney erbee dy veaghey derrey’n astyr, dy voddym cooilleeney ’ghoaill er my noidyn: myr shen cha ren veg jeh’n pobble goaill greme dy veaghey.

1 Samuel 14:28

Eisht dreggyr fer jeh’n pobble, as dooyrt eh, Hug dt’ayr yn pobble fo sarey chion, lesh breearrey, gra, Cursit dy row’n dooinney ta goaill veg y veaghey yn laa shoh. As va’n pobble faiynt.

1 Samuel 15:13

As haink Samuel gys Saul; as dooyrt Saul rish, Dy bannee’n Chiarn oo: ta mee er chooilleeney oardagh y Chiarn.

1 Samuel 23:21

As dooyrt Saul, Bannit dy row shiuish veih’n Chiarn; son ta shiu goaill chymmey jee’m,

1 Samuel 26:19

Nish er-y-fa shen, ta mee guee ort, lhig da my hiarn y ree geaishtagh rish goan dty harvaant: my she’n Chiarn t’er dty ghreinnaghey m’oï, lhig da soiaghey jeh my vioys son lhiasaghey: agh my she cloan gheiney ad, my vollaght orroo fenish y Chiarn; son t’ad er my imman magh ’sy traa t’ayn veih cummal ayns eiraght y Chiarn, wheesh as dy ghra, Immee, as shirveish jeeghyn joarree.