Briwnyn 16:7 - Yn Vible Casherick 1775 1819

⁷ As dooyrt Samson r’ee, My nee ad m’y chiangley lesh shiaght slattyn dy heillagh ghlass, my vel ad creen, eisht beem’s faase, as myr dooinney erbee elley.

Briwnyn 16:7 ပူးပေါင်းရင်းမြစ်များ

Raaghyn Creeney 12:19

Bee meillyn ny firriney er ny hickyraghey son dy bragh: agh cha vel chengey vreagagh agh son tullogh.

Raaghyn Creeney 17:7

Cha vel goan creeney cooie da ommydan, foddey sloo ta meillyn breagagh lowal ayns prince.

Romanee 3:8

Agh cha nee (myr ta shin er nyn oltooan, as myr ta paart lhiassaghey dy vel shin gra,) Lhig dooin olk y yannoo, dy vod mie cheet jeh? ta’n deyrey oc cairagh.

Galatianee 6:7

Ny bee-jee mollit; cha vel craid dy ve jeant mysh Jee: son cre-erbee ta dooinney dy chuirr, lheid shen nee eh ’vuinn.

Colossianee 3:9

Ny jean-jee breg ry-cheilley, fakin dy vel shiu er chur j’iu yn chenn ghooinney marish e obbraghyn;

Briwnyn 16:10

As dooyrt Delilah rish Samson, Cur-my-ner, t’ou er my volley, as er n’insh breagyn dou: nish insh dou, ta mee guee ort, cre lesh oddys oo ve kianlt.

Briwnyn 16:6

As dooyrt Delilah rish Samson, Insh dou, ta mee guee ort, cre ayns ta dty hroshid vooar lhie, as cre lesh oddagh oo ve kianlt dy reayll oo fo?

Briwnyn 16:8

Eisht hug chiarnyn ny Philistinee lhieu shiaght slattyn glassey nagh row er chreenaghey, as lhieu shoh ren ee kiangley eh.

Briwnyn 16:9

(Nish va deiney eck mâree, lhie follit ayns y chamyr:) as dooyrt ee rish, Dy row ny Philistinee ort, Samson. As vrish eh ny slattyn, myr snaie-barree ec yn aile: myr shen nagh row yn troshid echey er ny gheddyn magh.

1 Samuel 19:17

As dooyrt Saul rish Michal, Cre’n-fa t’ou myr shoh er my volley, as er lhiggey’n raad da my noid, dy vel eh er scapail? As dreggyr Michal Saul, Dooyrt eh rhym, Lhig dou goll; er-nonney marr-ym oo.

1 Samuel 27:10

As dooyrt Achish, Quoi noi hie shin magh jiu? As dooyrt David, Noi jiass Yudah, as noi jiass ny Jerahmeeliteyn, as noi jiass ny Keniteyn.