Briwnyn 16:2 - Yn Vible Casherick 1775 1819

² As ve inshit da ny Gaziteyn, gra, Ta Samson er jeet ayns shoh. As chombaase ad eh stiagh, as lhie ad farkiagh dy feagh er e hon fud-ny-hoie ec giat yn ard-valley, gra, Cha leah’s hoilshys y laa nee mayd eh y varroo.

Briwnyn 16:2 ပူးပေါင်းရင်းမြစ်များ

Noo Mian 21:38

Agh tra honnick y tannys yn mac, dooyrt ad nyn mast’ oc hene, Shoh’n eirey, tar-jee, lhig dooin eh y varroo, as bee’n eiraght echey lhien hene.

Noo Mian 27:1

Tra va’n moghrey er jeet rish, hug ooilley ny ard-saggyrtyn as shanstyr yn phobble nyn goyrle dy cheilley, dy choyrt eh gy-baase.

Noo Luke 21:20

As tra hee shiu sheshaghtyn-caggee mygeayrt Jerusalem, eisht toig-jee dy vel y traartys eck er-gerrey.

Jannoo 23:15

Nish er-y-fa shen jean-jee shiuish as y choonceil fys y chur gys yn ard-chaptan, eh dy chur lesh eh fenish euish mairagh, myr dy beagh red ennagh eu dy gheddyn toiggal sodjey jeh mychione echey: as bee mainyn aarloo dy ghoaill e vioys my jig eh nyn vaare.

Jannoo 9:24

Agh hooar Saul fys dy row ad lhie cooyl-chlea er e hon, as freayll arrey ec ny giattyn oie as laa dy varroo eh.

Briwnyn 15:18

As v’eh feer phaagh, as deïe eh er y Chiarn, as dooyrt eh, T’ou er choyrt yn varriaght vooar shoh ayns laue dty harvaant; as nish voym baase lesh paays, as tuittym ayns laueyn ny chymmyltee shoh?

Briwnyn 16:3

As lhie Samson derrey mean-oie, as eisht dirree eh, as ghow eh dorryssyn giat yn ard-valley, as y daa essyn, as hie eh ersooyl lhieu, boltyn as ooilley, as hug eh ad er e gheayltyn, as hug eh lesh ad gys mullagh cronk ta liorish Hebron.

1 Samuel 19:11

Hug Saul myrgeddin chaghteryn gys thie Ghavid, dy lhie fo-chlea er e hon, as dy varroo eh sy voghrey: as dinsh Michal ben Ghavid da, gra, Mannagh gow kiarail jeh dty vioys noght, mairagh bee oo er dty varroo.

1 Samuel 23:26

As hie Saul er y derrey heu jeh’n clieau, as David as e gheiney er y cheu elley: as ren David siyr dy chosney ersooyl ayns aggle roish Saul; son baillish Saul as e gheiney David as e gheiney y chruinnaghey mygeayrt, dy ghoaill ad.