Briwnyn 15:5 - Yn Vible Casherick 1775 1819

⁵ As tra v’eh er choyrt aile gys ny torchyn, lhig eh’n raad daue ayns arroo ny Philistinee, as losht eh chammah ny sthookyn, as yn arroo creen marish ny garaghyn-feeyney as olive.

Briwnyn 15:5 ပူးပေါင်းရင်းမြစ်များ

2 Samuel 14:30

Shen-y-fa dooyrt eh rish e harvaantyn, Jeeagh-jee, ta magher ec Joab er-gerrey da’n magher aym’s, as ta oarn echey ayn; immee-jee, as cur-jee aile ayn. As ren sharvaantyn Absalom soiaghey’n magher er aile.

Exodus 22:6

My nee aile brishey magh, as goaill ny drineyn, myr shen dy vel ny creaghyn, ny ny magheryn arroo er nyn stroie liorish; nee eshyn ren yn aile y oaddey, son shickyrys, jannoo lhiasaghey.

Exodus 23:11

Agh y chiaghtoo vleïn ver oo fea da, as lhiggee oo eh ve bane; dy vod boghtyn dty phobble beaghey: as y fooilliaght oc, nee maase y vagheragh gee. Er yn aght cheddin nee oo rish dty gharey-feeyney, as rish dty gharey-olive.

Briwnyn 15:4

As hie Samson as haare eh three cheead shynnagh, as ghow eh torchyn, as hyndaa eh ad famman ry amman, as hug eh ny torchyn ’sy vean eddyr y daa amman.

Briwnyn 15:6

Eisht dooyrt ny Philistinee, Quoi t’er n’yannoo shoh? As dreggyr ad, Samson, mac-’sy-leigh yn Timnite, er-yn-oyr dy ghow eh yn ven echey, as dy dug eh ee da e charrey. As haink ny Philistinee seose, as losht ad ish as e ayr lesh aile.