Briwnyn 14:4 - Yn Vible Casherick 1775 1819

⁴ Agh cha row fys ec e ayr ny e voir dy nee veih’n Chiarn ve, dy beagh shoh oyr streeu eddyr eh-hene as ny Philistinee: son ec y traa shen va reill ec ny Philistinee harrish Israel.

Briwnyn 14:4 ပူးပေါင်းရင်းမြစ်များ

1 Reeaghyn 12:15

Shen-y-fa cha deaisht y ree rish y pobble; son va’n chooish veih’n Chiarn, dy chooilleeney e ghoo, loayr y Chiarn liorish Ahijah yn Shilonite rish Jeroboam mac Nebat.

1 Reeaghyn 12:24

Shoh myr ta’n Chiarn dy ghra, Cha jig shiu seose, chamoo nee shiu caggey noi nyn mraaraghyn cloan Israel: chyndaa-jee dy chooilley ghooinney gys e hie hene; son ta’n chooish shoh voym’s. Ren ad geaishtagh er-y-fa shen rish goo’n Chiarn, as hyndaa ad roue, cordail rish goo’n Chiarn.

2 Reeaghyn 6:33

As choud as v’eh foast taggloo roo, cur-my-ner haink y chaghter neose huggey: as dooyrt y ree, Cur-my-ner, ta’n olk shoh veih’n Chiarn; cre’n-fa yinnin farkiagh son cooney veih’n Chiarn ny-sodjey?

2 Recortyssyn 10:15

Myr shen cha dug y ree geill da’n pobble: son va’n chooish veih Jee, dy voddagh y Chiarn e ghoo y chooilleeney, loayr eh liorish Ahijah yn Shilonite rish Jeroboam mac Nebat.

2 Recortyssyn 22:7

As va toyrt-mow Ahaziah veih Jee son goll marish Joram: son hie eh magh marish Jehoram noi Jehu mac Nimshi, eh va’n Chiarn er ooilaghey dy yiarey jeh thie Ahab.

2 Recortyssyn 25:20

Agh cha n’eaishtagh Amaziah, son veih Jee ve, dy livrey ad gys laue nyn noidyn, er-yn-oyr dy deiyr ad er jeeghyn Edom.

Psalmyn 115:3

Er son y Jee ainyn, t’eh ayns niau: t’eh er n’yannoo myr s’gooidsave lesh.

Daniel 6:4

Eisht va ny ard-reiltee as ny princeyn shirrey oyr plaiynt noi Daniel, mychione y reeriaght, agh cha dooar ad oyr ny foill: son wheesh as dy row eh firrinagh, chamoo va foill ny loght erbee ry-gheddyn ayn.

Deuteronomy 28:48

Shen-y-fa, nee oo shirveish dty noidyn, ver y Chiarn dt’oï, ayns genney arran, as ushtey, rooisht, as ayns feme jeh dy chooilley nhee: as ver eh yn whing yiarn er dty wannal, derrey t’eh er dty choyrt mow.

Joshua 11:20

Son daag y Chiarn ad fo creoghys cree, dy chaggey noi Israel, dy voddagh eh stroie ad dy bollagh, nagh voghe ad foayr erbee, agh dy voddagh cragh cheet ny-vud oc, myr hug y Chiarn sarey da Moses.

Briwnyn 13:1

As ren cloan Israel reesht shen ny va olk ayns shilley’n Chiarn; as ren y Chiarn ad y livrey gys laue ny Philistinee da-eed bleïn.

Briwnyn 14:5

Eisht hie Samson, as e ayr, as e voir, sheese gys Timnath, as haink ad gys garaghyn-feeyney Timnath: as cur-my-ner, ren lion aeg garveigagh n’oï.

Briwnyn 15:11

Eisht hie three thousane dooinney dy Yudah seose gys mullagh creg Etam, as dooyrt ad rish Samson, Nagh vel fys ayd’s dy vel ny Philistinee reill harrin? cre shoh t’ou er n’yannoo rooin? As dooyrt eh roo, Myr ren adsyn rhym’s, myr shen ta mish er n’yannoo roosyn.

Briwnyn 15:3

Er shoh smooinee Samson rish hene mychione oc, Cha vod ny Philistinee nish coyrt foill my lieh, ga dy jinnin’s assee dauesyn.