Briwnyn 13:7 - Yn Vible Casherick 1775 1819

⁷ Agh dooyrt eh rhym, Cur-my-ner, nee oo giennaghtyn, as gymmyrkey mac; as nish ny iu feeyn ny jough lajer, chamoo ee-ys oo nhee erbee neu-ghlen: son bee’n lhiannoo ny Nazarite gys Jee veih e ymmyrkey gys laa e vaaish.

Briwnyn 13:7 ပူးပေါင်းရင်းမြစ်များ

Jeremiah 35:6

Agh dooyrt ad, Cha n’iu mayd veg y feeyn: son doardee Jonadab mac Rechab, nyn ayr, dooin, Cha jean shiu feeyn y iu, shiuish ny nyn mec son dy bragh:

Amos 2:11

As hrog mee seose ny mee eu son phadeyryn, as ny deiney aegey eu son Nazariteyn. Nagh vel eh eer myr shoh, O shiuish chloan Israel? ta’n Chiarn dy ghra.

Earrooyn 6:2

Loayr rish cloan Israel, as abbyr roo, Tra nee dooinney ny ben erbee kiangley ad hene, dy ghoaill orroo breearrey Nazarite, dy chasherickey ad hene gys y Chiarn:

Briwnyn 13:4

Nish er-y-fa shen, jeeagh, ta mee guee ort, nagh jean oo giu feeyn ny jough lajer, as nagh jean oo gee nhee erbee neu-ghlen:

Briwnyn 13:6

Eisht haink y ven, as dinsh ee da e sheshey, gra, Haink dooinney dy Yee hym’s, as va’n eddin echey goll-rish eddin ainle veih niau, feer atchimagh; agh cha dênee mee jeh cre voish v’eh, chamoo dinsh eh dou e ennym.

Briwnyn 13:8

Eisht ren Manoah guee gys y Chiarn, as dooyrt eh, O my Hiarn, lhig da’n dooinney dy Yee ren uss y choyrt cheet reesht hooin, as gynsaghey dooin kys hroggys mayd y lhiannoo vees er ny ruggey.