Briwnyn 13:6 - Yn Vible Casherick 1775 1819

⁶ Eisht haink y ven, as dinsh ee da e sheshey, gra, Haink dooinney dy Yee hym’s, as va’n eddin echey goll-rish eddin ainle veih niau, feer atchimagh; agh cha dênee mee jeh cre voish v’eh, chamoo dinsh eh dou e ennym.

Briwnyn 13:6 ပူးပေါင်းရင်းမြစ်များ

Genesis 18:2

As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

Genesis 32:29

As dênee Jacob jehsyn, as dooyrt eh, Insh dooys, ta mee guee ort, dty ennym’s: As dooyrt eh, Cre’n-fa te, dy vel oo briaght son my ennym’s? as vannee eh eh ayns shen.

1 Reeaghyn 17:18

As dooyrt ee rish Elijah, Cre ta mee er n’yannoo rhyt’s, O uss ghooinney dy Yee? vel oo er jeet hym’s dy eamagh er my pheccah gys cooinaghtyn, as dy ve baase my vac?

1 Reeaghyn 17:24

As dooyrt y ven rish Elijah, Nish liorish shoh ta fys aym dy vel uss dooinney dy Yee, as dy vel goo’n Chiarn ayns dty veeal’s yn irriney.

2 Reeaghyn 4:16

As dooyrt eh, Veih’n imbagh shoh ayns y traa cooie, nee uss mac y ymmyrkey. As dooyrt ee, Guee-ym ort, my hiarn, uss ghooinney dy Yee, ny jean craidey mysh dty harvaant.

2 Reeaghyn 4:9

As dooyrt ee rish e sheshey, cur-my-ner nish, ta mee cur tastey dy nee dooinney casherick dy Yee eh shoh, ta cha mennick goll shaghey.

Exodus 3:2

As haink ainle y Chiarn huggey ayns lossey dy aile ayns thammag: as yeeagh eh, as cur-my-ner, va’n thammag lossey lesh aile, as cha row’n thammag losht.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Daniel 10:11

As dooyrt eh rhym, O Ghaniel, dooinney ennoil, toig uss ny goan ta mee dy loayrt rhyt, as shass er dty chassyn: son hood’s ta mee nish er my choyrt. As tra v’eh er ghra shoh rhym, hass mee er-creau.

Daniel 10:5

Eisht hrog mee my hooillyn, as yeeagh mee, as cur-my-ner, dooinney dy row coamrit ayns aanrit, as mysh e veeghyn cryss jeh glen airh Uphaz:

Daniel 8:17

Eisht haink eh er-gerrey da’n boayl raad va mee my hassoo: as tra haink eh, va mee fo atchim, as huitt mee er my eddin: agh dooyrt eh rhym, Gow toiggal, uss vac y dooinney: son ayns traa cooie bee jerrey er yn ashlish.

Noo Luke 1:19

As dreggyr yn ainle as dooyrt eh rish, Mish Gabriel ta shirveish fenish Yee: as ta mee er my choyrt dy loayrt rhyt, as dy hoilshaghey dhyt ny naightyn mie shoh.

Noo Luke 9:29

As myr v’eh ayns padjer, va cummey yn eddin echey er ny chaghlaa, as va’n coamrey echey gial as sollys.

Jannoo 6:15

As yeeagh ooilley ny va ayns y choonceil dy gyere er, as honnick ad yn eddin echey myr dy beagh eh eddin ainle.

Deuteronomy 33:1

As shoh’n bannaght, lesh ren Moses dooinney Yee, cloan Israel y vannaghey, roish e vaase.

1 Timothy 6:11

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

Joshua 14:6

Eisht haink cloan Yudah gys Joshua ayns Gilgal: as dooyrt Caleb mac Jephunneh yn Kenezite rish, Ta fys ayd cre dooyrt y Chiarn rish Moses yn dooinney dy Yee mychione mish as uss ayns Kadesh-barnea.

Ashlish 1:17

As tra honnick mee eh, huitt mee sheese ec e chassyn myr marroo: as hug eh e laue yesh orrym, gra rhym, Ny bee aggle ort; Mish y chied er as y fer s’jerree:

Briwnyn 13:10

As roie yn ven dy siyragh dy insh shoh da e sheshey, as dooyrt ee rish, Cur-my-ner, ta’n dooinney er jeet hym’s reesht, haink my raad er y gherrit shoh.

Briwnyn 13:22

As dooyrt Manoah rish y ven, Yiow mayd dy shickyr baase, son dy vel shin er vakin Jee.

Briwnyn 13:3

As haink ainle y Chiarn gys y ven, as dooyrt eh r’ee, Cur-my-ner nish, t’ou uss gennish, as gyn cloan: agh nee oo giennaghtyn, as gymmyrkey mac.

Briwnyn 13:7

Agh dooyrt eh rhym, Cur-my-ner, nee oo giennaghtyn, as gymmyrkey mac; as nish ny iu feeyn ny jough lajer, chamoo ee-ys oo nhee erbee neu-ghlen: son bee’n lhiannoo ny Nazarite gys Jee veih e ymmyrkey gys laa e vaaish.

Briwnyn 13:8

Eisht ren Manoah guee gys y Chiarn, as dooyrt eh, O my Hiarn, lhig da’n dooinney dy Yee ren uss y choyrt cheet reesht hooin, as gynsaghey dooin kys hroggys mayd y lhiannoo vees er ny ruggey.

Briwnyn 6:11

As haink ainle y Chiarn, as hoie eh fo billey-darragh va ayns Ophrah, va lesh Joash yn Abi-ezrite: as va e vac Gideon bwoalley curnagh liorish yn press-feeyney, dy cheiltyn eh veih ny Midianiteyn.

1 Samuel 2:27

As haink dooinney dy Yee gys Eli, as dooyrt eh rish, Shoh myr ta’n Chiarn dy ghra, Nagh row mish dy baghtal er ny hoilshaghey gys thie dt’ayrey, tra v’ad ayns Egypt fo laue Pharaoh?

1 Samuel 9:6

As dooyrt eh rish, Cur-my-ner nish, ta ayns yn ard-valley shoh dooinney dy Yee, as t’eh ny ghooinney ooasle; cre-erbee t’eh dy ghra, te dy shickyr er ny chooilleeney: lhig dooin nish goll huggey: foddee dy der eh roïn yn raad lhisagh shin goaill.