Briwnyn 13:5 - Yn Vible Casherick 1775 1819

⁵ Son cur-my-ner, nee oo giennaghtyn, as mac y ymmyrkey; as cha jig razor er e chione: son bee’n lhiannoo Nazarite gys Jee veih’n vreïn: as hed eh er e hoshiaght dy livrey Israel ass laue ny Philistinee.

Briwnyn 13:5 ပူးပေါင်းရင်းမြစ်များ

2 Samuel 8:1

As lurg shoh haink eh gy-kione, dy woaill David ny Philistinee, as hug eh ad fo-chosh: as ghow David Metheg-ammah ass laue ny Philistinee.

1 Recortyssyn 18:1

Nish lurg shoh, haink eh gy-kione dy woaill David ny Philistinee, as hug eh ad fo-chosh, as ghow eh Gath as e baljyn ass laue ny Philistinee:

Amos 2:11

As hrog mee seose ny mee eu son phadeyryn, as ny deiney aegey eu son Nazariteyn. Nagh vel eh eer myr shoh, O shiuish chloan Israel? ta’n Chiarn dy ghra.

Earrooyn 6:5

Ooilley ny laghyn t’eh fo kiangley’n vreearrey shoh, cha jig razor er e chione: derrey vees ny laghyn harrish, ayndoo t’eh dy scarrey eh hene gys y Chiarn, bee eh casherick; as nee eh lhiggey da kiogyn folt e ching gaase.

Noo Luke 1:15

Son bee eh ooasle ayns shilley yn Chiarn, as cha n’iu eh feeyn ny jough lajer, as bee eh er ny lhieeney lesh y Spyrryd Noo, veih eer breïn e vayrey.

Briwnyn 16:17

Dy doshil eh jee ooilley e chree, as dooyrt eh r’ee, Cha daink rieau razor er my chione’s; son ta mish er ve my Nazarite gys Jee veih breïn my vayrey: my veem’s shavit, eisht hed my niart voym, as hig-yms dy ve faase myr dooinney erbee elley.

1 Samuel 1:11

As ren ee breearrey, as dooyrt ee, O Hiarn dy heshaght-flaunyss, my nee oo dy jarroo jeeaghyn er seaghyn dty inney-veyl, as cooinaghtyn orrym, as nagh jarrood oo dt’inney-veyl, agh dy der oo da dt’inney-veyl lhiannoo-mac, eisht neem’s eh y chasherickey gys y Chiarn ooilley laghyn e vea, as cha jig razor er e chione.

1 Samuel 7:13

Myr shoh hooar ad barriaght er ny Philistinee, nagh daink ad arragh gys ardjyn Israel: as va laue’n Chiarn noi ny Philistinee ooilley laghyn Samuel.