Briwnyn 13:4 - Yn Vible Casherick 1775 1819

⁴ Nish er-y-fa shen, jeeagh, ta mee guee ort, nagh jean oo giu feeyn ny jough lajer, as nagh jean oo gee nhee erbee neu-ghlen:

Briwnyn 13:4 ပူးပေါင်းရင်းမြစ်များ

Leviticus 11:27

As cre-erbee ta goll er e spaagyn, mastey ooilley ny beiyn kiare-chassagh, t’ad shoh neu-ghlen diu: quoi-erbee vennys rish ny callinyn oc, bee eh neu-ghlen derrey’n astyr.

Leviticus 11:47

Dy scarrey eddyr neu-ghlen as glen, eddyr yn baagh ta cooie son beaghey, as y baagh nagh vel cooie.

Noo Luke 1:15

Son bee eh ooasle ayns shilley yn Chiarn, as cha n’iu eh feeyn ny jough lajer, as bee eh er ny lhieeney lesh y Spyrryd Noo, veih eer breïn e vayrey.

Jannoo 10:14

Agh dooyrt Peddyr, Shen dy row foddey voym, Hiarn; son cha vel mish rieau er n’ee red erbee cadjin ny neu-ghlen.

Briwnyn 13:13

As dooyrt ainle y Chiarn rish Manoah, Jeh ooilley ny ta mee er ghra rish y ven, lhig ee goaill tastey.

Briwnyn 13:14

Ny lhig j’ee gee jeh mess y villey-feeyney, chamoo lhig j’ee giu feeyn ny jough lajer, ny gee red neu-ghlen erbee: ooilley ny ta mee er harey lhig j’ee jannoo.

Briwnyn 13:7

Agh dooyrt eh rhym, Cur-my-ner, nee oo giennaghtyn, as gymmyrkey mac; as nish ny iu feeyn ny jough lajer, chamoo ee-ys oo nhee erbee neu-ghlen: son bee’n lhiannoo ny Nazarite gys Jee veih e ymmyrkey gys laa e vaaish.