Briwnyn 13:3 - Yn Vible Casherick 1775 1819

³ As haink ainle y Chiarn gys y ven, as dooyrt eh r’ee, Cur-my-ner nish, t’ou uss gennish, as gyn cloan: agh nee oo giennaghtyn, as gymmyrkey mac.

Briwnyn 13:3 ပူးပေါင်းရင်းမြစ်များ

Genesis 17:16

As neem’s ee y vannaghey, as myrgeddin ver-ym dhyt mac jeeish: dy jarroo nee’m ee y vannaghey, as bee ish moir ashoonyn; hig reeaghyn dy phobble jeeish.

Genesis 18:10

As dooyrt eh, Neem’s dy shickyr chyndaa hood’s ec y traa cooie yn vleïn shoh cheet; as cur-my-ner, ver Sarah dty ven mac son y theihll. As cheayll Sarah shoh ayns dorrys y chabbane, va ny chooyl.

Genesis 18:14

Vel nhee erbee ro ghoillee da’n Chiarn? ec y traa pointit, hig-yms reesht cordail rish y traa cooie, as ver Sarah mac son y theihll.

2 Reeaghyn 4:16

As dooyrt eh, Veih’n imbagh shoh ayns y traa cooie, nee uss mac y ymmyrkey. As dooyrt ee, Guee-ym ort, my hiarn, uss ghooinney dy Yee, ny jean craidey mysh dty harvaant.

Noo Luke 1:11

As haink ainle y Chiarn, as hass eh er cheu yesh altar yn oural-millish.

Noo Luke 1:13

Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.

Briwnyn 13:10

As roie yn ven dy siyragh dy insh shoh da e sheshey, as dooyrt ee rish, Cur-my-ner, ta’n dooinney er jeet hym’s reesht, haink my raad er y gherrit shoh.

Briwnyn 13:15

As dooyrt Manoah rish ainle y Chiarn, Ta mee guee ort, fuirree mârin, derrey aarlys mayd mannan er dty hon.

Briwnyn 13:6

Eisht haink y ven, as dinsh ee da e sheshey, gra, Haink dooinney dy Yee hym’s, as va’n eddin echey goll-rish eddin ainle veih niau, feer atchimagh; agh cha dênee mee jeh cre voish v’eh, chamoo dinsh eh dou e ennym.

Briwnyn 13:8

Eisht ren Manoah guee gys y Chiarn, as dooyrt eh, O my Hiarn, lhig da’n dooinney dy Yee ren uss y choyrt cheet reesht hooin, as gynsaghey dooin kys hroggys mayd y lhiannoo vees er ny ruggey.

Briwnyn 2:1

As haink ainle y Chiarn seose veih Gilgal gys Bochim, as dooyrt eh, Hug mee lhiam shiu ass Egypt, as er leeideil shiu gys y cheer ren mee gialdyn da ny ayraghyn eu; as dooyrt mee, Cha brish-ym dy bragh my chonaant riu.

Briwnyn 6:14

As yeeagh y Chiarn er, as dooyrt eh, Immee er dty hoshiaght ayns dty niart, as saue-ee oo Israel veih laue ny Midianiteyn: nagh nee mish t’er dty choyrt?

1 Samuel 1:20

Shen-y-fa haink eh gy-kione, lurg da Hannah v’er yientyn, as y traa eck er jeet, dy ren ee mac y ymmyrkey, as denmys ee eh Samuel, gra, Er-yn-oyr dy vel mee er yeearree eh veih’n Chiarn.