Briwnyn 13:1 - Yn Vible Casherick 1775 1819

¹ As ren cloan Israel reesht shen ny va olk ayns shilley’n Chiarn; as ren y Chiarn ad y livrey gys laue ny Philistinee da-eed bleïn.

Briwnyn 13:1 ပူးပေါင်းရင်းမြစ်များ

Jeremiah 13:23

Vod yn Ethiopian daah e chrackan y chaghlaa, ny’n leopard e spuitt? eisht foddee shiuish myrgeddin jannoo dy mie, t’er chliaghtey dy chur-rish olk.

Romanee 2:6

Nee cooilleeney dy chooilley ghooinney cordail rish e obbraghyn:

Hebrewnee 11:32

As cre jir-ym ny sodjey? son yinnagh y traa failleil mee dy insh mychione Gideon, as Barak, as Samson, as Jephthae, mychione David myrgeddin as Samuel, as mychione ny phadeyryn:

Briwnyn 10:6

As ren cloan Israel reesht olk ayns shilley’n Chiarn, as hirveish ad Baalim as Ashtaroth, as jeeghyn Syria, as jeeghyn Zidon, as jeeghyn Voab, as jeeghyn cloan Ammon, as jeeghyn ny Philistinee, as hreig ad y Chiarn, as cha hirveish ad eh.

Briwnyn 10:7

As ren jymmoose yn Chiarn brishey magh noi Israel, as chreck eh ad gys laue ny Philistinee, as gys laue cloan Ammon.

Briwnyn 12:15

As hooar Abdon, mac Hillel yn Pirathonite baase, as v’eh oanluckit ayns Pirathon ayns cheer Ephraim, ayns cronk ny Amalekiteyn.

Briwnyn 14:4

Agh cha row fys ec e ayr ny e voir dy nee veih’n Chiarn ve, dy beagh shoh oyr streeu eddyr eh-hene as ny Philistinee: son ec y traa shen va reill ec ny Philistinee harrish Israel.

Briwnyn 15:11

Eisht hie three thousane dooinney dy Yudah seose gys mullagh creg Etam, as dooyrt ad rish Samson, Nagh vel fys ayd’s dy vel ny Philistinee reill harrin? cre shoh t’ou er n’yannoo rooin? As dooyrt eh roo, Myr ren adsyn rhym’s, myr shen ta mish er n’yannoo roosyn.

Briwnyn 15:20

As ren eh briwnys Israel rish lhing ny Philistinee, feed bleïn.

Briwnyn 2:11

As ren cloan Israel peccah ayns shilley’n Chiarn, as hirveish ad Baalim:

Briwnyn 3:7

As ren cloan Israel olk ayns shilley’n Chiarn, as yarrood ad yn Chiarn nyn Yee, as hirveish ad Baalim as Ashtaroth.

Briwnyn 4:1

As reesht ren cloan Israel olk ayns shilley’n Chiarn lurg baase Ehud.

Briwnyn 6:1

As ren cloan Israel olk reesht ayns shilley yn Chiarn; as livrey yn Chiarn ad gys laue Vidian shiaght bleeaney.

1 Samuel 12:9

As tra yarrood ad yn Chiarn y Jee oc, ren eh ad y livrey gys laue Sisera, captan sheshaght-caggee Hazor, as gys laue ny Philistinee, as gys laue ree Voab, as ren ad caggey nyn ’oï.

1 Samuel 4:9

Bee-jee dunnal, as jean-jee gymmyrkey shiu-hene myr deiney, O shiuish Philistinee, nagh jig shiu dy ve fo keesh da ny Hebrewnee, myr v’adsyn diuish: ymmyrk-jee shiu-hene myr deiney, as lhig dooin caggey.

1 Samuel 7:13

Myr shoh hooar ad barriaght er ny Philistinee, nagh daink ad arragh gys ardjyn Israel: as va laue’n Chiarn noi ny Philistinee ooilley laghyn Samuel.