Briwnyn 12:9 - Yn Vible Casherick 1775 1819

⁹ As v’echey jeih mec as feed, as jeih inneenyn as feed, hug eh magh ayns poosey, as ghow eh stiagh jeih inneenyn as feed son mraane da e vec: as ren eh briwnys Israel shiaght bleeaney.

Briwnyn 12:9 ပူးပေါင်းရင်းမြစ်များ

Psalmyn 127:3

Cha vel eh agh obbyr caillit dy vel shiu ayns siyr dy irree dy moghey, as cha anmagh goaill fea, as gee yn arran dy imnea: son shen myr t’eh coyrt cadley dauesyn shinney lesh.

Jeremiah 29:6

Poose-jee mraane, as jean-jee mec as inneenyn y gheddyn; as gow-jee mraane son ny mec eu, as cur-jee ny inneenyn eu ayns poosey, dy vod ad gymmyrkey mec as inneenyn; dy vod shiu bishaghey ayns shen, as gyn ve er nyn leodaghey.

Briwnyn 10:4

As va echey jeih mec as feed, va markiagh er jeih lhiynyn assyl as feed, as va oc jeih ard-valjyn as feed, va enmyssit Havoth-jair gys y laa jiu, t’ayns cheer Ghilead.

Briwnyn 12:10

Eisht hooar Ibzam baase, as v’eh oanluckit ec Beth-lehem.

Briwnyn 12:14

As v’echey da-eed mac, as jeih oe as feed, va markiagh er three-feed as jeih lhiynyn assyl: as ren eshyn briwnys Israel hoght bleeaney.

Briwnyn 12:8

As ny lurg-syn ren Ibzam yn Beth-lehemite briwnys Israel.