Briwnyn 12:8 - Yn Vible Casherick 1775 1819

⁸ As ny lurg-syn ren Ibzam yn Beth-lehemite briwnys Israel.

Briwnyn 12:8 ပူးပေါင်းရင်းမြစ်များ

Noo Mian 2:1

Nish tra rug Yeesey ayns Bethlehem dy Yudea, rish lhing ree Herod, cur-my-ner haink deiney-creeney veih’n shiar gys Jerusalem,

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

1 Samuel 16:1

As dooyrt y Chiarn rish Samuel, Caïd nee oo dobberan son Saul, fakin dy vel mish er yiooldey rish veih reill harrish Israel? Lhieen dty eairk lesh ooil, as immee; ver-yms oo gys Jesse yn Beth-lehemite: son ta mee er chiarail dou hene ree mastey e vec.

Genesis 15:19

Ny Keniteyn, as ny Kenizziteyn, as ny Kadmoniteyn.

Briwnyn 12:7

As ren Jephthah briwnys Israel shey bleeaney: eisht hooar Jephthah yn Gileadite baase, as v’eh oanluckit ayns ard-valley Ghilead.

Briwnyn 12:9

As v’echey jeih mec as feed, as jeih inneenyn as feed, hug eh magh ayns poosey, as ghow eh stiagh jeih inneenyn as feed son mraane da e vec: as ren eh briwnys Israel shiaght bleeaney.

Joshua 19:15

As Kattath, as Nahallal, as Shimron, as Idala, as Beth-lehem: daa ard-valley jeig, marish nyn maljyn-beggey.

Briwnyn 10:1

As lurg Abimelech, hrog seose dy livrey Israel Tola mac Puah, mac Dodo, dooinney dy Issachar, as v’eh cummal ayns Shamir, ayns slieau Ephraim.

Briwnyn 17:7

As va dooinney aeg dy row veih Beth-lehem-judah, jeh sluight Yudah, va ny Levite, as v’eh er e yoarreeaght ayns shen.

Briwnyn 19:1

As haink eh gy-kione, ayns ny laghyn shen, tra nagh row ree ayns Israel, dy row Levite cummal er lhiattee cronk Ephraim, ghow da hene co-lhiabbagh veih Beth-lehem-judah.