Briwnyn 12:1 - Yn Vible Casherick 1775 1819

¹ As haggil deiney Ephraim cooidjagh, as hie ad lesh y twoaie, as dooyrt ad rish Jephthah, Cre’n-fa hie uss harrish dy chaggey noi cloan Ammon, as nagh deïe oo orrin dy gholl mayrt? nee mayd lostey dty hie ort lesh aile.

Briwnyn 12:1 ပူးပေါင်းရင်းမြစ်များ

Psalmyn 109:4

Myr shoh t’ad er chooilleeney dou olk son mie: as goanlys er son my aigney-mie.

Ecclesiastes 4:4

Reesht smooinee mee er ooilley tooilleil dooinney, as er dy chooilley obbyr yeeragh, eer son shoh dy vel e naboo troo mysh. Ta shoh myrgeddin fardail, as seaghney cree.

Hosea 13:1

Tra ren Ephraim loayrt dy arrymagh, hooar eh ooashley da hene ayns Israel; agh tra hug eh rish peccah liorish Baal, hie eh naardey.

Noo Mark 3:24

As my ta reeriaght girree-magh n’oï hene, cha vod y reeriaght shen shassoo.

Noo Ean 10:32

Dreggyr Yeesey ad, Shimmey yn obbyr vie ta mee er hoilshaghey diu veih my Ayr; son quoi jeh ny obbraghyn cheddin ta shiu ry-hoi m’y chlaghey?

Jamys 3:16

Son raad ta troo as streeu, ayns shen ta anvea, as dy chooilley ghrogh obbyr.

Briwnyn 11:40

Dy jagh inneenyn Israel dy chooilley vleïn dy ghobberan marish inneen Jephthah yn Gileadite kiare laa ’sy vleïn.

Briwnyn 12:2

As dooyrt Jephthah roo, Va aym’s as ec my phobble cooish mooar caggee rish cloan Ammon; as tra deïe mee erriu, cha ren shiu m’y livrey ass nyn laueyn.

Briwnyn 14:15

As haink eh gy-kione er y chiaghtoo laa, dy dooyrt ad rish ben Samson, Jean dty heshey y chleayney, dy vod eh ginsh dooin yn raa-dorraghey, er-nonney nee mayd uss as thie dty ayrey y lostey lesh aile: nee dy nyn spooilley ta shiu er chuirrey shin? nagh nee shoh myr te?

Briwnyn 15:6

Eisht dooyrt ny Philistinee, Quoi t’er n’yannoo shoh? As dreggyr ad, Samson, mac-’sy-leigh yn Timnite, er-yn-oyr dy ghow eh yn ven echey, as dy dug eh ee da e charrey. As haink ny Philistinee seose, as losht ad ish as e ayr lesh aile.

Briwnyn 8:1

As dooyrt deiney Ephraim rish, Kys dy vel oo er hirveish shin myr shoh, nagh deïe oo orrin tra hie oo dy chaggey rish ny Midianiteyn? As v’ad feer chorree rish.