Briwnyn 11:5 - Yn Vible Casherick 1775 1819

⁵ As ve myr shen, tra ren cloan Ammon caggey noi Israel, dy jagh shanstyr Ghilead dy chur lhieu Jephthah veih cheer Tob.

Briwnyn 11:5 ပူးပေါင်းရင်းမြစ်များ

2 Samuel 10:6

As tra dennee cloan Ammon dy row ad dy mooar er vrasnaghey David, hug ad fys as daill ad Syrianee Veth-rehob, as Syrianee Zoba, feed thousane deiney coshee, as veih ree Maacah thousane dooinney, as veih Ish-tob daa housane jeig.

2 Samuel 10:8

As haink cloan Ammon magh, as hayrn ad seose ayns order-caggee, roish giat yn ard-valley: as va Syrianee Zoba, as Rehob, as Ish-tob, as Maacah, orroo hene ’sy vagher.

Briwnyn 10:9

As hie cloan Ammon harrish Jordan dy chaggey myrgeddin noi Judah, as noi Benjamin, as noi thie Ephraim; myr shen dy row Israel dy mooar seaghnit.

Briwnyn 11:4

As haink eh gy-kione lurg earish, dy ren cloan Ammon caggey noi Israel.

Briwnyn 11:6

As dooyrt ad rish Jephthah, Tar uss, as bee dty chaptan harrin, dy vod mayd caggey rish cloan Ammon.

1 Samuel 10:27

Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.

1 Samuel 11:12

As dooyrt y pobble rish Samuel, Quoi eh ren gra, Nee Saul reillys harrin? cur-jee lhieu ny deiney shen, dy vod mayd y choyrt gy-baase ad.