Briwnyn 11:4 - Yn Vible Casherick 1775 1819

⁴ As haink eh gy-kione lurg earish, dy ren cloan Ammon caggey noi Israel.

Briwnyn 11:4 ပူးပေါင်းရင်းမြစ်များ

Briwnyn 10:17

Eisht va cloan Ammon er nyn jaglym cooidjagh, as ren ad campal ayns Gilead: as va cloan Israel er nyn jaglym cooidjagh, as champ ad ayns Mizpeh.

Briwnyn 10:18

As dooyrt pobble as princeyn Ghilead yn derrey yeh rish y jeh elley, Quoi eh ny-vud ain nee goaill er hoshiaght dy chaggey noi cloan Ammon? eshyn vees yn ard-chaptan harrish ooilley cummaltee Ghilead.

Briwnyn 10:9

As hie cloan Ammon harrish Jordan dy chaggey myrgeddin noi Judah, as noi Benjamin, as noi thie Ephraim; myr shen dy row Israel dy mooar seaghnit.

Briwnyn 11:5

As ve myr shen, tra ren cloan Ammon caggey noi Israel, dy jagh shanstyr Ghilead dy chur lhieu Jephthah veih cheer Tob.

1 Samuel 11:1

Eisht haink Nahash yn Ammonite seose, as ren eh campal noi Jabesh-gilead: as dooyrt ooilley deiney Yabesh rish Nahash, Jean conaant rooin, as nee mayd oo y hirveish.