Briwnyn 11:34 - Yn Vible Casherick 1775 1819

³⁴ As haink Jephthah gys e hie ec Mizpeh, as cur-my-ner, haink yn inneen echey magh ny whail, lesh greïnyn-kiaullee as daunsin; as v’ee e ynrycan lhiannoo, cha row cloan arragh echey.

Briwnyn 11:34 ပူးပေါင်းရင်းမြစ်များ

2 Samuel 6:14

As ren David daunsin fenish y Chiarn lesh ooilley e niart, as va David coamrit lesh ephod aanrit.

Psalmyn 150:4

Moylley-jee eh lesh ny cymballyn as daunsin: cur-jee moylley da er ny greïnyn strengit as y feddan.

Psalmyn 68:25

T’adsyn ta goaill arraneyn shooyl hoshiaght, adsyn ta jannoo bingys er greïnyn-kiaull cheet nyn yeï: ayns y vean ta ny mraane-aegey cloie er ny timbrelyn.

Exodus 15:20

As ren y phadeyr Miriam, shuyr Aaron, greïe-chiaull y ghoaill ’sy laue eck; as deiyr ooilley ny mraane urree lesh greinyn-kiaullee, as lesh daunsin.

Jeremiah 31:13

Eisht gowee yn voidyn boggey ’sy daunsin, chammah deiney aegey as y chenndeeaght dy cheilley: son chyndaa-yms yn dobberan oc gys boggey, as nee’m ad y gherjaghey, as dy ghoaill boggey veih nyn drimshey.

Jeremiah 31:4

Nee’m oo y hroggal reesht, as bee oo troggit, O voidyn Israel: bee oo foast soit magh lesh dty ghreinyn-kiaullee, as hed oo magh ayns y daunsin ocsyn ta jannoo gennal.

Zechariah 12:10

As neem’s deayrtey er thie Ghavid, as er cummaltee Yerusalem, spyrryd dy ghrayse as dy phadjeryn, as nee ad jeeaghyn orrym’s t’ad er hoylley, as nee ad dobberan er e hon, myr ta dooinney dobberan son e vac ynrycan, as bee ad ayns sherriuid er e hon, myr dooinney ta ayns sherriuid son e vac shinney.

Noo Luke 7:12

Nish tra haink eh er-gerrey da giat yn ard-valley, cur-my-ner, va sleih cur lhieu magh dooinney marroo, va ny ynrycan mac da e voir, as v’eeish ny ben-treoghe: as va ymmodee jeh sleih yn ard-valley mâree.

Noo Luke 8:42

Son va un ynrycan inneen echey, va mysh daa vleïn jeig dy eash, as v’ee raad y vaaish. (Agh myr v’eh goll, va’n pobble chionney er.

Noo Luke 9:38

As cur-my-ner, deïe dooinney jeh’n cheshaght, gra, Vainshter, ta mee guee ort jeeagh er my vac, son she my ynrycan lhiannoo eh.

Joshua 18:26

As Mizpeh, as Chephirah, as Mozah,

Briwnyn 10:17

Eisht va cloan Ammon er nyn jaglym cooidjagh, as ren ad campal ayns Gilead: as va cloan Israel er nyn jaglym cooidjagh, as champ ad ayns Mizpeh.

Briwnyn 11:11

Eisht hie Jephthah marish shanstyr Ghilead, as ren yn pobble eh ny ard-chaptan harroo: as ren Jephthah fockley yn chonaant va eddyr ad fenish y Chiarn ayns Mizpeh.

Briwnyn 20:1

Eisht hie ooilley cloan Israel magh, as v’ad er nyn jaglym cooidjagh myr un dooinney, veih Dan eer gys Beer-sheba, marish cheer Ghilead, fenish y Chiarn ayns Mizpeh.

Briwnyn 21:21

As gow-jee tastey, tra hee shiu inneenyn Shiloh cheet magh ayns sheshaght dy ghaunsin, eisht roie-jee magh ass ny garaghyn-feeyney, as taare-jee dagh dooinney e ven jeh inneenyn Shiloh, as cosne-jee gys thalloo Venjamin.