Briwnyn 11:2 - Yn Vible Casherick 1775 1819

² As ren ben Ghilead gymmyrkey mec da; as tra daase ad seose, hyndaa ad magh Jephthah, as dooyrt ad rish, Cha vow uss eiraght ayns thie nyn ayrey, son mac ben joarree oo.

Briwnyn 11:2 ပူးပေါင်းရင်းမြစ်များ

Genesis 12:10

As va genney ayns y cheer; as hie Abram sheese gys Egypt, dy chummal ayns shen: son va’n genney dewil ayns y cheer.

Genesis 21:10

Shen-y-fa dooyrt ee rish Abraham, Chyndaa magh yn inney-veyl shoh, as e mac: son cha bee mac yn inney-veyl shoh ny eirey marish my vac, eer marish Isaac.

Raaghyn Creeney 2:16

Dy livrey oo veih’n ven yoarree, dy jarroo veih’n ven-oainjyr ta brynneraght lesh e goan.

Raaghyn Creeney 5:20

As cre’n-fa, my vac, bee oo er dty chleayney liorish ben whuaagh, as taitnys ayd ayns oghrish oainjyr?

Raaghyn Creeney 5:3

Son ta meillyn y ven-oainjyr shilley, myr kere-volley, as ta’n beeal eck ny shliawn na’n ooil.

Galatianee 4:30

Ny-yeih, cre ta’n scriptyr dy ghra? Tilg magh yn inney-veyl as y mac eck: son cha bee mac yn inney-veyl ny eirey marish mac y ven-seyr.

Deuteronomy 23:2

Cha bee fer oainjyragh goit stiagh mastey pobble y Chiarn: eer gys e jeihoo heeloghe, cha bee eh goit stiagh mastey pobble y Chiarn.

Briwnyn 11:1

Nish va Jephthah yn Gileadite ny ghooinney niartal caggee, agh v’eh mac oainjyr: as hooar Gilead Jephthah.

Briwnyn 11:3

Eisht chossyn Jephthah roish veih e vraaraghyn, as chum eh ayns cheer Tob: as va deiney eddrym as wagaantee er nyn jaglym gys Jephthah, as hie ad magh mârish.