Briwnyn 10:9 - Yn Vible Casherick 1775 1819

⁹ As hie cloan Ammon harrish Jordan dy chaggey myrgeddin noi Judah, as noi Benjamin, as noi thie Ephraim; myr shen dy row Israel dy mooar seaghnit.

Briwnyn 10:9 ပူးပေါင်းရင်းမြစ်များ

2 Recortyssyn 14:9

As haink magh nyn ’oï Zerah yn Ethiopian, lesh sheshaght-caggee dy yeih cheead thousane, as three cheead fainagh, as haink ad gys Mareshah.

2 Recortyssyn 15:5

As ayns ny traaghyn shoh, cha bee veg y shee ny chour-syn hed magh, ny eshyn hig stiagh, agh bee seaghyn trome er ooilley cummaltee ny cheeraghyn.

Deuteronomy 28:65

As mastey ny ashoonyn shoh, cha vow veg yn aash, chamoo vees aash ec boyn dty choshey: agh ver y Chiarn dhyt ayns shen cree er-creau, as sooillyn moaldey, as sou-aigney.

Briwnyn 10:10

As ren cloan Israel geamagh gys y Chiarn, gra, Ta shin er n’yannoo peccah dt’oï, er-yn-oyr dy vel shin chammah er dreigeil y Jee ain, as myrgeddin er hirveish Baalim.

Briwnyn 10:8

As er y vleïn shen, son hoght bleeaney jeig, ren ad seaghney as tranlaase ’yannoo er cloan Israel, ooilley cloan Israel va er cheu elley dy Yordan, ayns cheer ny Amoriteyn, ta ayns Gilead,

Briwnyn 11:4

As haink eh gy-kione lurg earish, dy ren cloan Ammon caggey noi Israel.

Briwnyn 2:15

Raad erbee dy jagh ad magh, va laue y Chiarn nyn ’oï son olk, myr va’n Chiarn er ghra, as myr va’n Chiarn er vreearrey daue: as v’ad dy mooar seaghnit.

Briwnyn 6:2

As va laue Vidian er ny niartaghey noi Israel: as er-aggle roish ny Midianiteyn ren cloan Israel daue hene ooigyn ayns ny sleityn, as guaggyn follit, as cashtallyn lajer.

1 Samuel 13:6

Tra honnick deiney Israel dy row ad ayns chennid, (son v’ad er choayl nyn gree,) eisht dollee yn pobble ad-hene ayns ooigyn, as ayns keylljyn, as ayns creggyn, as ayns sleityn, as ayns guaggyn.

1 Samuel 28:15

As dooyrt Samuel rish Saul, Cre’n-fa t’ou er choyrt anvea dou, dy my ghoostey? As dreggyr Saul, Ta mee dy mooar seaghnit; son ta ny Philistinee jannoo caggey m’oï, as ta Jee er my hreigeil, as cha vel eh gansoor mee ny sodjey, edyr liorish phadeyryn, ny liorish ashlishyn: er-y-fa shen ta mee er n’eamagh ort, dy vod oo soilshaghey dou cre nee’m.