Briwnyn 10:10 - Yn Vible Casherick 1775 1819

¹⁰ As ren cloan Israel geamagh gys y Chiarn, gra, Ta shin er n’yannoo peccah dt’oï, er-yn-oyr dy vel shin chammah er dreigeil y Jee ain, as myrgeddin er hirveish Baalim.

Briwnyn 10:10 ပူးပေါင်းရင်းမြစ်များ

Psalmyn 107:13

Myr shen tra deïe ad gys y Chiarn ayns nyn seaghyn: livrey eh ad ass nyn jennid.

Psalmyn 107:19

Myr shen tra deïe ad gys y Chiarn ayns nyn seaghyn: livrey eh ad ass nyn jennid.

Psalmyn 107:28

Myr shen tra t’ad geamagh gys y Chiarn ayns nyn seaghyn: t’eh dy livrey ad ass nyn jennid.

Jeremiah 2:27

Gra rish bun billey, She uss my ayr; as rish clagh, T’ou uss er my ymmyrkey: son t’ad er hyndaa nyn gooyl rhym’s, as cha nee nyn eddin; agh ayns earish nyn seaghyn jir ad, Trog seose, as saue shin.

Briwnyn 10:9

As hie cloan Ammon harrish Jordan dy chaggey myrgeddin noi Judah, as noi Benjamin, as noi thie Ephraim; myr shen dy row Israel dy mooar seaghnit.

Briwnyn 3:9

As tra ren cloan Israel gaccan gys y Chiarn, hrog y Chiarn seose fendeilagh da cloan Israel, ren ad y livrey, eer Othniel mac Kenaz, braar saa Caleb.

Briwnyn 4:3

As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.

Briwnyn 6:6

As va Israel er ny injillaghey gys lhag stayd kyndagh rish ny Midianiteyn; as deïe cloan Israel gys y Chiarn.

1 Samuel 12:10

As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.

1 Samuel 7:6

As v’ad er nyn jaglym cooidjagh ec Mizpeh, as hayrn ad ushtey, as gheayrt ad eh magh kiongoyrt rish y Chiarn, as hrosht ad er y laa shen, as dooyrt ad ayns shen, Ta shin er n’yannoo peccah noi’n Chiarn. As ren Samuel cloan Israel y vriwnys ayns Mizpeh.