Briwnyn 1:6 - Yn Vible Casherick 1775 1819

⁶ Agh chossyn Adoni-bezek roish: as deiyr ad er, as haare ad eh, as yiare ad jeh ordaagyn e laueyn, as ordaagyn e choshey.

Briwnyn 1:6 ပူးပေါင်းရင်းမြစ်များ

Esther 8:12

Er un laa, ayns ooilley rheamyn ree Ahasuerus, ta shen dy ghra, er yn trass laa yeig jeh’n nah vee yeig ta shen, yn vee Adar.

Psalmyn 107:40

Ga dy vel eh surranse ad dy gheddyn drogh ghellal veih reiltee tranlaasagh: as lhiggey daue goll er-shaghryn jeh’n raad ayns yn aasagh;

Psalmyn 149:8

Dy chiangley ny reeaghyn oc ayns geulaghyn: as ny deiney ooasle oc lesh driaghtyn yiarn;

Psalmyn 59:11

Ny marr ad, er-aggle dy jarrood my phobble eh: agh skeayl ad dy lhean mastey’n pobble, as cur sheese ad, O Hiarn, nyn vendeilagh.

Exodus 14:26

As dooyrt y Chiarn rish Moses, Sheeyn magh dty laue erskyn yn aarkey, as hig ny ushtaghyn dy cheilley reesht er ny Egyptianee, er ny fainee, as er ny markee oc.

Exodus 21:24

Sooill son sooill, feeackle son feeackle, laue son laue, kass son kass.

Exodus 29:20

Eisht nee oo’n rea y varroo, as yn uill echey y ghoaill, as ver oo eh er baare cleaysh yesh Aaron, as er baare cleaysh yesh e vec, as er ordaag nyn laue yesh, as er ordaag vooar nyn gass yesh, as nee oo spreih yn uill er yn altar ooilley mygeayrt.

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 50:15

Yllee-jee noi eck ooilley mygeayrt: t’ee er livrey seose ee hene: ta ny undinyn eck er ny lhaggaghey, ny voallaghyn eck lhieggit; son shoh lhiasaghey yn Chiarn: gow-jee cooilleeney urree; ’naght myr t’ee er n’yannoo, jean-jee r’ee.

Joshua 15:16

As dooyrt Caleb, Eshyn hed noi Kirjath-sepher, as goaill eh, dasyn ver-yms Achsah my inneen son ben.

Briwnyn 1:5

As haink ad seose rish Adoni-bezek ec Bezek; as ren ad caggey n’oï, as varr ad ny Canaaniteyn as ny Perizziteyn.

Briwnyn 1:7

As dooyrt Adoni-bezek, Three-feed as jeih reeaghyn, va nyn ordaagyn laue as coshey giarit jeu, ren teiy nyn mee fo my voayrd’s: myr ta mish er n’yannoo, myr shen ta Jee er my chooilleeney. As hug ad lhieu eh gys Jerusalem, as hooar eh baase ayns shen.