Briwnyn 1:2 - Yn Vible Casherick 1775 1819

² As dooyrt y Chiarn, Hed Judah seose: cur-my-ner, ta mish dy livrey yn cheer gys e laue.

Briwnyn 1:2 ပူးပေါင်းရင်းမြစ်များ

Earrooyn 2:3

As er y cheu-har lesh irree ny greiney, nee adsyn ta fo cowrey-caggee champ Yudah goaill grunt trooid magh nyn armeeyn: as bee Nahshon mac Amminadab captan cloan Yudah.

Earrooyn 7:12

As eshyn ren chebbal er y chied laa, va Nahshon mac Amminadab, jeh tribe Yudah.

Hebrewnee 7:14

Son te feer chronnal dy daink nyn Jiarn magh ass sheeloghe Yudah; jeh’n cheeloghe shen cha loayr Moses veg mychione y taggyrtys.

Joshua 2:24

As dooyrt ad rish Joshua, Dy feer ta’n Chiarn er livrey ooilley yn cheer gys ny laueyn ain; son ta eer ooilley cummaltee ny cheerey coayl nyn gree ayns aggle roïn.

Ashlish 5:5

As dooyrt fer jeh ny shanstyryn rhym. Ny jean keayney: cur-my-ner, ec Lion kynney Yudah, fraue Ghavid, ta pooar dy osley yn lioar, as dy eaysley ny shiaght sealyn eck.

Briwnyn 1:3

As dooyrt Judah rish Simeon e vraar, Tar seose mârym gys my chronney, dy vod mayd caggey noi ny Canaaniteyn, as neem’s myrgeddin goll mayrt’s gys dty chronney’s. Myr shen hie Simeon mârish.

Briwnyn 20:18

As dirree cloan Israel, as hie ad seose gys thie Yee, dy hirrey coyrle er Jee, as dooyrt ad; Quoi hed seose hoshiaght dy chaggey noi cloan Venjamin? as dooyrt y Chiarn, Judah hed seose hoshiaght.

Briwnyn 20:28

As she Phinehas, mac Eleazar, mac Aaron, va shirveish kiongoyrt rish ec y traa cheddin,) as dooyrt ad, Jig eh lhiam dy chaggey reesht noi cloan Venjamin my vraar, ny jean-ym goaill fea? As dooyrt y Chiarn, Gow seose; son mairagh livrey-ym ad gys dty laue.