Briwnyn 1:18 - Yn Vible Casherick 1775 1819

¹⁸ Ghow Judah myrgeddin Gaza as e ardjyn, as Askelon as e ardjyn, as Ekron as e ardjyn.

Briwnyn 1:18 ပူးပေါင်းရင်းမြစ်များ

1 Reeaghyn 4:24

Son va reiltys echey harrish ooilley’n cheer er cheu shoh jeh’n awin, veih Tiphsah eer gys Azzah, harrish ooilley ny reeaghyn cheu shoh jeh’n awin: as va shee echey er dy chooilley heu mygeayrt-y-mysh.

Exodus 23:31

As neem’s soiaghey dty chagleeyn veih’n Faarkey Jiarg eer gys faarkey ny Philistinee, as veih faasagh [Arabia] gys awin [Euphrates;] son neem’s cummaltee yn cheer y livrey gys nyn laue, as nee’m ad y imman magh royd.

Jeremiah 25:20

As slane shiartanse ny ashoonyn-quaagh as joarree, as ooilley reeaghyn thalloo Uz, as ooilley reeaghyn thalloo ny Philistinee, as Ashkelon, as Azzah, as Ekron, as fooilliagh Ashdod,

Jeremiah 47:5

Ta Gaza er n’aase meayl; ta Ashkelon er ny yiarey jeh marish jeelym ny glionney: caïd nee oo lhottey oo hene?

Deuteronomy 2:23

As ny Avimee va cummal ayns Hazerim, eer gys Azzah, ren ny Caphtorim haink veih Caphtor stroie, as chum ad’syn ynnyd oc)

Joshua 11:22

Cha row veg jeh sluight Anak faagit ayns cheer cloan Israel: agh ayns Gaza, ayns Gath, as ayns Ashdod, va kuse jeu.

Joshua 13:3

Veih Sihor, ta liorish Egypt, choud’s ardjyn Ekron my-hwoaie, ta lesh ny Canaaniteyn: queig chiarnyn jeh ny Philistinee; ny Gazathiteyn, as ny Ashdothiteyn, ny Eshkaloniteyn, ny Gittiteyn, as ny Ekroniteyn; myrgeddin ny Aviteyn:

Joshua 15:11

As hie’n chagliagh magh my-hwoaie, gys lhiattee Ekron: as va’n chagliagh er ny hayrn gys Shicron, as roie eh jeeragh magh gys cronk Baalah, as hie eh magh gys Jabneel; as va kione sodjey magh y chagliagh ec yn aarkey.

Briwnyn 14:19

As haink Spyrryd y Chiarn er, as hie eh sheese gys Ashkelon, as varr eh jeih deiney as feed jeu, as ghow eh yn spooilley oc, as hug eh caghlaaghyn garmad dauesyn hooar magh yn raa-dorraghey: as va farg er, as hie eh seose gys thie e ayrey.

Briwnyn 16:21

As ghow ny Philistinee eh, as chur ad e hooillyn ass, as hug ad lhieu eh sheese gys Gaza, as chiangle ad eh lesh geulaghyn prash, as hug ad er blieh ayns thie yn phryssoon.

Briwnyn 3:3

Ta shen, queig chiarnyn jeh ny Philistinee, as ooilley ny Canaaniteyn, as ny Sidonianee, as ny Hiviteyn va cummal ayns slieau Lebanon, veih slieau Baal-hermon derrey hig oo gys Hamath.

1 Samuel 6:17

As shoh ny pileyn airhey heb ny Philistinee son oural-loght gys y Chiarn; son Ashdod unnane, son Gaza unnane, son Ekron unnane: