Briwnyn 1:16 - Yn Vible Casherick 1775 1819

¹⁶ As hie cloan yn Kenite, ayr-’sy-leigh Voses, seose ass ard-valley ny biljyn-palm, marish cloan Yudah, gys faasagh Yudah, ta er cheu-jiass Arad: as hie ad as chum ad mastey’n pobble.

Briwnyn 1:16 ပူးပေါင်းရင်းမြစ်များ

1 Recortyssyn 2:15

Ozem yn cheyoo, Elihu yn chiaghtoo, David yn hoghtoo:

1 Recortyssyn 2:55

As sheelogheyn ny scrudeyryn, va cummal ec Jabez; ny Tirathiteyn, ny Shimeathiteyn, as Suchathiteyn. Shoh ny Keniteyn haink jeh Hemath ayr thie Rechab.

2 Recortyssyn 28:16

Ec y traa shen hug ree Ahaz fys gys ree Assyria dy chooney lesh.

Exodus 18:1

As tra cheayll Jethro saggyrt Vidian, ayr-’sy-leigh Voses, jeh ooilley ny ren Jee son Moses, as son Israel e phobble, as dy row’n Chiarn er chur lesh Israel magh ass Egypt:

Exodus 18:12

As ghow Jethro, ayr-’sy-leigh Voses, oural-losht as chebballyn da Jee: as haink Aaron, as ooilley shanstyr Israel, dy ghoaill ayrn ’syn oural, marish ayr-’sy-leigh Voses, fenish Yee.

Exodus 18:27

As hie ayr-’sy-leigh Voses roish, as jimmee eh gys e heer hene.

Exodus 18:7

As hie Moses magh quail e ayr-’sy-leigh, as ren eh biallys da, as phaag eh eh: as vrie ad mychione slaynt y cheilley: as hie ad stiagh ’sy chabbane.

Exodus 3:1

Nish va Moses ny vochilley er shioltane Jethro e ayr-’sy-leigh, saggyrt Vidian: as ren eh leeideil yn shioltane gys cooyl yn aasagh, as haink eh gys slieau Yee, eer gys Horeb.

Exodus 4:18

As jimmee Moses, as hie eh reesht gys Jethro e ayr-’sy-leigh, as dooyrt eh rish; Lhig y raad dou, ta mee guee ort, dy hyndaa reesht gys my vraaraghyn t’ayns Egypt; dy yeeaghyn vel ad foast bio. As dooyrt Jethro rish Moses, Immee, as shee dy row mayrt.

Jeremiah 35:2

Immee gys thie ny Rechabiteyn, as loayr roo, as cur lhiat stiagh ad gys thie yn Chiarn, gys unnane jeh ny shamyryn, as cur daue feeyn dy iu.

Earrooyn 21:1

AS tra ren ree Arad yn Canaanite, va reill lesh y jiass, clashtyn imraa dy row Israel cheet seose, goaill raad ny brialtee; eisht ren eh caggey noi Israel, as ghow eh paart jiu nyn bryssoonee.

Noo Mian 3:1

Ayns ny laghyn shen haink Ean Bashtey, preacheil ayns faasagh Yudea,

Deuteronomy 34:3

As y jiass, as strah coan Yericho, ard-valley ny biljyn-palm, choud’s Zoar.

Deuteronomy 34:4

As dooyrt y Chiarn rish, Shoh’n cheer vreear mee da Abraham, da Isaac, as da Jacob, gra, Ver-yms eh da dty luight: ta mee er choyrt shilley dhyt jeh, agh cha jed oo harrish huggey.

Joshua 12:14

Ree Hormah, unnane; ree Arad, unnane;

Joshua 18:21

Nish ard-valjyn tribe cloan Venjamin, cordail rish ny kynneeyn oc, va Jericho, as Beth-hoglah, as coan Keziz,

Briwnyn 1:15

As dooyrt ee rish, Cur dty vannaght dou: son t’ou er choyrt dou thalloo chirrym jiass, cur dou myrgeddin farraneyn ushtey. As hug Caleb jee ny farraneyn heose as heese.

Briwnyn 3:13

As ren eh chaglym huggey cloan Ammon as Amalek, as hie eh as woaill eh Israel, as ghow eh ard-valley ny biljyn-palm.

Briwnyn 4:11

Nish va Heber yn Kenite, va jeh cloan Hobab ayr-’sy-leigh Voses, er scarrey eh-hene veih ny Keniteyn, as er scughey e chabbane gys cheer-rea Zaanaim, va liorish Kedesh.

Briwnyn 4:17

Agh chossyn Sisera ersooyl ry-chosh gys cabbane Jael ben Heber yn Kenite: son va shee eddyr Jabin ree Hazor as thie Heber yn Kenite.

1 Samuel 15:6

As dooyrt Saul rish ny Keniteyn, ersooyl-jee, cosne-jee reue, as immee-jee sheese veih mastey ny Amalekiteyn, er-aggle dy jean-yms shiu y stroie mâroo: son ren shiuish kenjallys y hoilshaghey da ooilley cloan Israel tra haink ad seose ass Egypt. Myr shoh hie ny Keniteyn rhymboo, veih mastey ny Amalekiteyn.

1 Samuel 27:10

As dooyrt Achish, Quoi noi hie shin magh jiu? As dooyrt David, Noi jiass Yudah, as noi jiass ny Jerahmeeliteyn, as noi jiass ny Keniteyn.

1 Samuel 30:29

As dauesyn va ayns Rachal, as dauesyn va ayns ard-valjyn ny Jerahmeeliteyn, as dauesyn va ayns ard-valjyn ny Keniteyn,