Briwnyn 1:10 - Yn Vible Casherick 1775 1819

¹⁰ As hie Judah noi ny Canaaniteyn va cummal ayns Hebron, (nish yn ennym v’er Hebron roïe va Kirjath-arba,) as varr ad Sheshai, as Ahiman, as Talmai.

Briwnyn 1:10 ပူးပေါင်းရင်းမြစ်များ

Genesis 23:2

As hooar Sarah baase ayns Kirjath-arba; ta shen Hebron, ayns cheer Chanaan: as haink Abraham dy ghobberan, as dy cheayney son Sarah.

Genesis 37:14

As dooyrt eh rish, Immee, ta mee guee ort, jeeagh vel ooilley dy mie marish dty vraaraghyn, as marish ny shioltaneyn; as cur lhiat fys hym’s reesht: Myr shen hug eh magh eh trooid coan Hebron, as haink eh gys Shechem.

Ecclesiastes 9:11

Ghow mee smooinaght elley, as honnick mee fo’n ghrian, nagh row yn race lesh y vieau, ny’n caggey lesh y niartal, ny foast arran ec deiney creeney ny foast berchys ec deiney tushtagh, ny foast foayr ec deiney schleioil; agh ta traa as taghyrt cheet orroo ooilley.

Jeremiah 9:23

Myr shoh ta’n Chiarn dy ghra, Ny lhig da’n dooinney creeney boggyssagh ass e chreenaght, chamoo lhig da’n dooinney niartal boggyssagh ass e niart, ny lhig da’n dooinney berchagh boggyssagh ass e verchys:

Earrooyn 13:22

As hie ad seose my-yiass, as haink ad gys Hebron; raad va Ahiman, Sheshai, as Talmai mec Anak (nish va Hebron troggit shiaght bleeaney roish Zoan ayns Egypt.)

Earrooyn 13:33

As ayns shen honnick shin foawir, mee Anak, sluight ny foawir: as va shin ayns y chilley ain hene myr beishteigyn, as myr shen va shinyn myrgeddin ’sy chilley ocsyn.

Joshua 10:36

As hie Joshua seose veih Eglon, as ooilley Israel mârish, gys Hebron; as ren ad caggey n’oï:

Joshua 14:15

As va ennym Hebron roish shen Balley-arba, va’n Arba shoh ny ard-ghooinney mastey sluight Anak. As va shee ’sy cheer veih caggey.

Briwnyn 1:20

As hug ad Hebron da Caleb, myr va Moses er yialdyn: as deiyr eh veih shen three mec Anak.

Briwnyn 1:9

As ny lurg shen hie cloan Yudah sheese dy chaggey noi ny Canaaniteyn va cummal ayns y clieau, as ayns y jiass, as ayns y choan.