Arrane Solomon 8:2 - Yn Vible Casherick 1775 1819

² Jeeaghin dhyt y raad, yinnin lhiam oo gys thie my vayrey, yinnagh mish y ynsaghey: yinnin’s dhyt jough feeyney spiceit lesh soo my phomegranate.

Arrane Solomon 8:2 ပူးပေါင်းရင်းမြစ်များ

Raaghyn Creeney 9:2

T’ee er varroo e beïyn, t’ee er hayrn e feeyn: t’ee myrgeddin er hoiaghey magh e boayrd.

Arrane Solomon 3:4

As s’coan va mee er n’gholl voue, derrey hooar mee graih my annym: chum mee eh, as cha lhiggin y raad da, derrey hug mee lhiam eh gys thie my vayrey, as gys y chamyr ecksh ren m’y yientyn.

Arrane Solomon 4:10

Cre cha eunyssagh ta dty ghraih, my huyr, my ven veen! ta dty ghraih foddey erskyn y feeyn share, as soar millish dty ennal roish bree dy chooilley spice s’blaystal.

Arrane Solomon 7:12

Lhig dooin ve dy moghey er nyn gosh ayns ny garaghyn-feeyney, dy akin vel y billey-feeyney blaaghey, vel yn berrish-feeyney meiygh fosley, as ny pomegranateyn cur magh nyn mlaa: shen y raad yiow slane soylley my ghraih.

Arrane Solomon 7:9

As glare dty veeal myr y feeyn share, son my ghraih, ta goll sheese dy blaystal, cur er ny meillyn cadlagh dy loayrt.

Arrane Solomon 8:1

O dy beagh oo myr my vraar, ren jiole keeaghyn my voir; tra yoin oo mooie, yinnin oo y phaagey, as cha beagh foill dy gheddyn dou.

Noo Ean 5:39

Ronsee-jee ny scriptyryn, son ayndoosyn ta shiu smooinaghtyn dy vel y vea veayn eu, as she ad shen ta gymmyrkey feanish jeem’s.

Galatianee 4:26

Agh Jerusalem ta heose, t’ee seyr; shoh ee ta’n voir ain ooilley.

2 Timothy 3:15

As neayr’s v’ou dty lhiannoo dy vel oo er ve ynsit ayns ny scriptyryn casherick, oddys oo y yannoo creeney gys saualtys, trooid credjue ayns Creest Yeesey.

2 Peddyr 1:19

Ta ain myrgeddin goo shickyree dy adeyrys; gys shen ta shiu jannoo dy mie dy der shiu tastey, myr da soilshey ta soilshean ayns ynnyd dorraghey, derrey ta’n laa brishey, as rollage y voghrey girree ayns nyn greeaghyn:

Ashlish 19:10

As huitt mee ec e chassyn dy choyrt ooashley da: As dooyrt eh rhym, Jeeagh nagh jean oo eh: Ta mish dty heshey-harvaant, as jeh dty vraaraghyn ta feanish Yeesey oc: cur ooashley da Jee: son ta feanish Yeesey yn spyrryd dy adeyrys.