Arrane Solomon 7:9 - Yn Vible Casherick 1775 1819

⁹ As glare dty veeal myr y feeyn share, son my ghraih, ta goll sheese dy blaystal, cur er ny meillyn cadlagh dy loayrt.

Arrane Solomon 7:9 ပူးပေါင်းရင်းမြစ်များ

Raaghyn Creeney 16:24

Ta goan gerjoilagh myr y kere-volley, millish da’n annym, as slaynt da ny craueyn.

Raaghyn Creeney 23:31

Ny jeeagh uss er y feeyn ayns e yirgid, tra te soilshean ’sy chappan, tra te troggal e vree dy cooie.

Arrane Solomon 2:14

O my chalmane ta ayns tuill ny creggyn, fo skellooyn yn eaynee, lhig dou dty eddin y akin, lhig dou dty choraa y chlashtyn; son s’eunyssagh dty choraa, as stoamey dty eddin aalin.

Arrane Solomon 5:16

Ta e veeal miljid hene: dy feer t’eh ooilley-cooidjagh aalin. She shoh my ghraih, as lheid shoh my charrey, O inneenyn Yerusalem.

Arrane Solomon 5:2

Ta mee saveenagh, agh ta my chree dooisht: she coraa my ghraih t’ayn ta cronkal, gra, Foshil dooys, my chree, my ghraih, my chalmane, my red ôney: son ta my chione fluigh lesh y druight, as folt my ching lesh bineyn ny hoie.

Romanee 13:11

As shen, liorish coyrt tastey da’n traa, dy vel eh nish ard traa dy ghoostey ass cadley: son nish ta nyn saualtys ny sniessey na ve tra ren shin hoshiaght credjal.

Ephesianee 4:29

Ny lhig da drogh ghlare erbee cheet ass nyn meeal, agh shen ny ta mie son ynsagh vondeishagh, dy vod eh grayse y hirveish orroosyn ta geaishtagh rish.

Colossianee 4:6

Lhig da’n ghlare eu dy kinjagh ve jeant blaystal lesh y sollan dy ghrayse, dy vod fys y ve eu cre’n ansoor ver shiu da dy chooilley ghooinney.

Hebrewnee 13:15

Liorishyn er-y-fa shen lhig dooin dy kinjagh chebbal gys Jee oural dy voylley, ta shen, mess nyn meillyn, coyrt booise da e ennym.

Ashlish 14:13

As cheayll mee coraa veih niau, gra rhym, Scrieu, Veih shoh magh, bannit ta ny merriu ta geddyn baase ayns y Chiarn: Dy jarroo myr shen ta’n Spyrryd dy ghra, son t’ad ec fea veih nyn seaghyn; as ta nyn obbraghyn geiyrt daue.