Arrane Solomon 7:4 - Yn Vible Casherick 1775 1819

⁴ Ta dty wannal myr toor ivory, dty hooillyn myr ny loghanyn eeastee ayns Heshbon, liorish giat Vath-rabbim: ta dty stroin myr toor Lebanon, ta jeeaghyn lesh Damascus.

Arrane Solomon 7:4 ပူးပေါင်းရင်းမြစ်များ

Genesis 15:2

As dooyrt Abram, Hiarn Yee, cre ver oo dou, fakin dy vel mee gyn sluight, as stiurt my hie ta Eliezer shoh jeh Damascus.

2 Samuel 8:6

Eisht hug David garrisonyn ayns Syria jeh Damascus: as haink ny Syrianee dy ve fo reill Ghavid, as v’ad fo keesh. As ren y Chiarn David y choadey raad erbee dy jagh eh.

1 Reeaghyn 10:18

Marish shoh, ren y ree stoyl-reeoil mooar dy ivory, as choodee eh harrish eh lesh glen airh.

1 Reeaghyn 10:22

Son va ec ree Solomon ec y cheayn lhuingys Tharshish, marish lhuingys Hiram: keayrt ayns three bleeaney haink lhuingys Tharshish, cur lhieu airh as argid, ivory, as apeyn, as peacockyn.

1 Reeaghyn 22:39

Nish yn chooid elley jeh obbraghyn Ahah, as ooilley ny ren eh, as yn thie ivory v’eh er n’yannoo, as ooilley ny ard-valjyn v’eh er hroggal, nagh vel ad scruit ayns lioar recortyssyn reeaghyn Israel?

1 Reeaghyn 7:2

Hrog eh neesht thie keylley Lebanon; va’n lhiurid echey keead cubit, as yn lheead echey jeih cubityn as da-eed, as yn yrjid echey jeih cubityn as feed; as kiare roaghyn dy phillaryn cedar, lesh beamyn cedar er ny pillaryn.

1 Reeaghyn 9:19

As ooilley ny ard-valjyn-stoyr v’ec Solomon, as ard-valjyn son e ainee, as ard-valjyn son e varkee, as shen ny va Solomon aggindagh dy hroggal ayns Jerusalem, as ayns Lebanon, as ayns ooilley cheer e rheam.

2 Recortyssyn 8:6

As Baalath, as ooilley ny ard-valjyn-stoyr v’ec Solomon, as ooilley ard-valjyn ny ainee, as ard-valjyn ny markee, as ooilley ny va Solomon aggindagh dy hroggal ayns Jerusalem, as ayns Lebanon, as trooid ooilley cheer e rheam.

Psalmyn 144:12

Dy vod ny mec ainyn gaase seose myr ny biljyn aegey: as dy vod ny inneenyn ain ’ve myr corneilyn aalin y chiamble;

Psalmyn 45:8

T’ou er choyrt graih da cairys, as feoh da mee-chairys: shen-y-fa ta Jee, dy jarroo yn Jee ayd’s, er dt’ooilaghey lesh yn ooil dy yennallys erskyn dty heshaghyn.

Arrane Solomon 1:10

Ta dty cheeillyn bwaagh soit magh lesh roaghyn dy yewellyn, dty wannal lesh boandaghyn airhey.

Arrane Solomon 4:1

Cur-my-ner t’ou uss aalin, my ghraih, cur-my-ner t’ou uss aalin, ta sooillyn calmane ayd fo dty vreidyn; ta dty olt myr shioltane dy ghoair, ta fassagh er cronk Ghilead.

Arrane Solomon 4:4

Ta dty wannal goll-rish toor Ghavid troggit son thie armyn, soit magh lesh thousane buckler, ooilley scapeyn ny treanee.

Arrane Solomon 4:5

Ta dty cheeaghyn goll-rish daa feeaïh aegey ta nyn lannoonyn, fassagh mastey ny lileeyn.

Arrane Solomon 6:5

Chyndaa dty hooillyn orrym, dy vod ad my vaynrey: ta dty olt myr shioltane dy ghoair t’er ny akin veih Gilead.

Isaiah 54:4

Ny gow aggle; son cha bee oyr nearey ort: chamoo bee uss er dty chastey; son cha bee oyr nearey ort: son nee oo jarrood nearey dty aegid, as cha gooinee oo ny smoo er oltooan dty stayd-treoghe.

Hebrewnee 5:14

Agh ta bee lajer cooie dauesyn t’ec slane eash, dy jarroo dauesyn ta liorish cliaghtey er gheddyn keeayl as tushtey dy vriwnys eddyr mie as sie.