Arrane Solomon 7:1 - Yn Vible Casherick 1775 1819

¹ Cre cha stoamey ta dty chassyn lesh braagyn, O inney reeoil! ta juntyn dty lheaystyn myr jewellyn, obbyr-lauee yn er-keirdee schleioil.

Arrane Solomon 7:1 ပူးပေါင်းရင်းမြစ်များ

Genesis 32:3

As hug Jacob chaghteryn roish gys Esau e vraar, gys thalloo Seir, cheer Edom.

Psalmyn 45:13

As bee inneen Tyre ayns shen lesh gioot: myr nee ny berchee myrgeddin mast’ yn pobble nyn aghinyn y yannoo kiongoyrt rhyt.

Exodus 28:15

As nee oo yn breast-plate dy vriwnys, lesh obbyr schleioil, jeh’n un obbyr rish yn ephod nee oo eh; jeh airh, jeh purple, as scarleod, as dy heeidey nee oo eh.

Exodus 28:42

As nee oo breechyn aanrit daue dy choodaghey nyn nearey, veih ny meeghyn gys ny glioonyn nee ad roshtyn.

Exodus 35:35

Ad shoh t’eh er lhieeney lesh creenaght chree, dy yannoo dy chooilley vonney dy obbyr, jeh’n grainneyder, as jeh’n obbree schleioil, as jeh’n obbree-snaidey laatshagh, ayns gorrym, as ayns purple, ayns scarleod, as ayns aanrit keyl; as obbyr fidderagh, eer jeusyn ta jannoo obbyr erbee, jeusyn ta aghtal dy chummey obbraghyn schleioil.

Arrane Solomon 7:2

Ta dty imleig myr saagh feeyney aalin as lane: ta dty volg myr dash dy churnaght, soit mygeayrt lesh lileeyn.

Daniel 2:32

Va kione y jalloo shoh jeh glen airh, e chleeau as e roihaghyn dy argid, e volg as e lheaystyn dy phrash,

Noo Luke 15:22

Agh dooyrt yn ayr rish e harvaantyn, Cur-jee lhieu magh yn coamrey share, as cur-jee er eh, as cur-jee fainey er e laue, as braagyn er e chassyn.

2 Corinthianee 6:18

As beem’s my Ayr diuish, as bee shiuish ny mec as ny inneenyn aym’s, ta’n Chiarn Ooilley-niartal dy ghra.

Ephesianee 6:15

As nyn gassyn coodit lesh arryltys son y sushtal dy hee.

Philippianee 1:27

Erskyn ooilley, lhig da’n ymmyrkey-bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjagh son credjue yn tushtal;

Colossianee 2:19

As cha nee cummal gys y chione, voish myr ta’n slane corp liorish juntyn as kianglaghyn er ny hirveish as sniemmit cooidjagh, te cheet er y hoshiaght lesh bishagh Yee.