Arrane Solomon 6:2 - Yn Vible Casherick 1775 1819

² Ta my ghraih er n’gholl sheese gys e gharey, gys ny imraghyn spice, dy ee mess ny garaghyn, as dy haglym lileeyn.

Arrane Solomon 6:2 ပူးပေါင်းရင်းမြစ်များ

Arrane Solomon 2:16

Ta my ghraih lhiam’s, as mish leshyn: t’eh beaghey mastey ny lileeyn.

Arrane Solomon 4:12

Garey dooint ta my ghraih, my ven heshey, t’ee chibbyr glast, as moir y gheill sealit.

Arrane Solomon 4:16

Gow fea, O gheay-jiass, agh dooisht, O gheay-twoaie, as tar magh, sheid er my gharey dy vod ny spiceyn blaaghey: lhig da my ghraih cheet gys e gharey hene, as gee jeh ny messyn s’taitnyssagh.

Arrane Solomon 4:5

Ta dty cheeaghyn goll-rish daa feeaïh aegey ta nyn lannoonyn, fassagh mastey ny lileeyn.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Arrane Solomon 5:13

Ta ny keeillyn echey myr dash dy spiceyn, myr blaaghyn miljey: ta ny meillyn echey myr lileeyn, shilley myrrh millish breeoil.

Arrane Solomon 6:11

Hie mee sheese gys garey ny croyn, dy chur shilley er troar ny glionney, as dy yeeaghyn row yn billey-feeyney blaaghey, as ny pomegranateyn cheet er nyn doshiaght.

Isaiah 40:11

Nee eh fassaghey e hioltane myr bochilley; nee eh chaglym ny eayin lesh e roih, as ver eh lesh ad ayns e oghrish, as dy meeley adsyn ta trome y leeideil.

Isaiah 57:1

Ta’n dooinney cairal cherraghtyn, as cha vel dooinney erbee goaill eh gys e chree; as ta deiney giastyllagh goit ersooyl, gyn fer erbee smooinaghtyn dy vel yn dooinney ynrick goit ersooyl veih’n olk ta ry-heet.

Isaiah 58:11

As nee yn Chiarn oo y leeideil dy kinjagh, as nee eh dty annym y ooraghey ayns y ghortey, as jannoo magh dty chraueyn lesh smuir; as bee oo goll-rish garey ushtit, as myr farrane ushtey ta geill dy kinjagh.

Isaiah 61:11

Son myr ta’n thalloo coyrt magh blaa, as myr ta ny rassyn ta cuirrit ’sy gharey cheet er-ash; myr shen ver y Chiarn Jee er cairys as moylley dy vlaaghey magh kiongoyrt rish ooilley ny ashoonyn.

Ezekiel 34:23

As nee’m soiaghey un vochilley harrystoo, as nee eshyn adsyn y vassaghey, shen hene my harvaant David; nee eshyn ad y vassaghey, as bee eshyn yn bochilley ocsyn.

Zephaniah 3:17

Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.

Noo Mian 18:20

Son raad ta ghaa ny three er nyn jaglym cooidjagh ayns m’ennym’s, shen y raad ta mish nyn mastey.

Noo Mian 28:20

Gynsaghey daue dy reayll dy chooilley nhee cre-erbee ta mish er chur ayns sarey diu: as cur-my-ner, ta mish mêriu kinjagh, eer gys jerrey yn theihll. Amen.

Noo Ean 14:3

As my hem’s dy yannoo aarloo ynnyd er nyn son, hig-ym reesht, as goym shiu hym pene, raad ta mish dy vod shiuish ve myrgeddin.

Noo Ean 17:24

Ayr, ta mee geearree adsyn t’ou er chur dou dy ve mârym raad ta mee; dy vod ad fakin my ghloyr t’ou er chur dou: son t’ou er ve graihagh orrym’s roish my row yn seihll er ny chroo.

Ashlish 7:17

Son nee’n Eayn ta ayns mean y stoyl-reeoil, fassaghey ad, as leeidee eh ad gys farraneyn dy ushtey bio: as nee Jee niee ersooyl dy chooilley yeïr veih nyn sooillyn.