Arrane Solomon 5:9 - Yn Vible Casherick 1775 1819

⁹ Cre t’ayns dty ghraih erskyn graih erbee elley, O uss s’aalin ta mastey mraane? vel dty ghraih’s wheesh shen share na dy chooilley ghraih elley, dy vel oo cur lheid y currym orrin?

Arrane Solomon 5:9 ပူးပေါင်းရင်းမြစ်များ

Psalmyn 45:13

As bee inneen Tyre ayns shen lesh gioot: myr nee ny berchee myrgeddin mast’ yn pobble nyn aghinyn y yannoo kiongoyrt rhyt.

Psalmyn 87:3

Smooinee-ym er Rahab as Babylon: mâroosyn ta enney oc orrym.

Arrane Solomon 1:8

Mannagh nhione dhyt, O uss s’aalin ta mastey mraane, immee magh ayns cassanyn yn chioltane, as fassee dty vannanyn liorish ny bwaagyn bochill.

Arrane Solomon 2:7

Ta mee cur currym erriu, O shiuish inneenyn Yerusalem, liorish y taitnys t’eu ayns ny feeaïhee sleitagh as magheragh, nagh boir-jee my ghraih, as nagh doost-jee eh derrey saillish hene.

Arrane Solomon 6:1

Cre’n raad ta dty ghraih er ghoaill, O uss s’aalin ta mastey mraane? cre’n raad ta dty ghraih er hyndaa? dy vod mayd mayrt’s shirrey er e hon.

Isaiah 53:2

Son nee eh gaase seose kiongoyrt rish myr slattag meiygh, as myr fraue ass thalloo sponkit; cha vel stayd ny stoamid ry-akin ayn; as tra hee mayd eh, cha vaik mayd ayn aalid erbee dy ghoaill nyn aigney.

Noo Mian 21:10

As tra v’eh er jeet gys Jerusalem, va ooilley yn ard-valley ayns anvea, gra, Quoi eh shoh?

Noo Ean 1:14

As ghow yn Goo er dooghys ny foalley, as ren eh baghey nyn mast’ ain (as hug shin my-ner yn ghloyr echey, yn ghloyr myr jeh’n ynrycan Mac er-ny-gheddyn jeh’n Ayr) lane dy ghrayse as dy irrinys.