Arrane Solomon 5:8 - Yn Vible Casherick 1775 1819

⁸ Ta mee cur currym erriu, O inneenyn Yerusalem, my veeitys shiu my ghraih, cre jir shiu rish; insh-jee da, dy vel mish ching ayns graih.

Arrane Solomon 5:8 ပူးပေါင်းရင်းမြစ်များ

Arrane Solomon 1:5

O shiuish inneenyn Yerusalem, ta mee dorraghey myr cabbaneyn Chedar, agh stoamey myr curtanyn Solomon.

Arrane Solomon 2:5

Niartee mee lesh glassyreeyn miljey, jean mish y ooraghey lesh ooylyn: son ta mee ching ayns graih.

Arrane Solomon 2:7

Ta mee cur currym erriu, O shiuish inneenyn Yerusalem, liorish y taitnys t’eu ayns ny feeaïhee sleitagh as magheragh, nagh boir-jee my ghraih, as nagh doost-jee eh derrey saillish hene.

Arrane Solomon 3:5

Ta mee cur currym erriu, O shiuish inneenyn Yerusalem, liorish y taitnys t’eu ayns shelg ny feeaïhee sleitagh as magheragh, nagh brish shiu e chadley, as nagh jean shiu doostey my ghraih, derrey saillish hene.

Arrane Solomon 8:4

Ta mee cur currym erriu, O inneenyn Yerusalem, nagh brish shiu cadley my ghraih, ny doostey eh derrey saillish hene.

Romanee 15:30

Nish ta mee guee erriu, vraaraghyn, er graih nyn Jiarn Yeesey Creest, as er graih’n Spyrryd, dy jean shiu gobbraghey cooidjagh mârym ayns nyn badjeryn gys Jee er my hon’s;

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.