Arrane Solomon 5:6 - Yn Vible Casherick 1775 1819

⁶ Doshil mee da my ghraih, agh va my ghraih er n’immeeaght, as er n’gholl roish, hie e ghoan gys my annym: hir mee er e hon, agh cha dooar mee eh; deïe mee er, agh cha dreggyr eh mee.

Arrane Solomon 5:6 ပူးပေါင်းရင်းမြစ်များ

Genesis 42:28

As dooyrt eh rish e vraaraghyn, Ta my argid aym reesht; as jeeagh-jee, te dy jarroo ayns my hack, as chaill ad nyn gree, as v’ad fo atchim, gra y derrey yeh rish y jeh elley, Cre shoh, ta Jee er n’yannoo rooin?

2 Samuel 16:10

As dooyrt y ree, Cre t’aym’s diuish nish dy yannoo er my hon, shiuish vec Zeruiah? Myr shen lhig da gweeaghyn, son dy vel y Chiarn er ghra rish, Gwee mollaght da David. Quoi ghoys er dy ghra, Cre hon t’ou er n’yannoo shoh?

Psalmyn 28:1

Hood’s nee’m geamagh, O Hiarn my niart: ny jean beg y hoiaghey jee’m, er-aggle mannagh jean oo m’y chlashtyn, dy bee’m casley roosyn ta goll sheese gys yn oaie.

Psalmyn 30:7

Hyndaa oo dt’eddin voym: as va mee seaghnit.

Psalmyn 69:3

Ta mee skee lesh geamagh, ta my scoarnagh chirrym: ta my hoilshey dy m’ailleil son farkiaght choud er my Yee.

Psalmyn 77:3

Tra ta mee ayns trimshey, smooinee-ym er Jee: tra ta my chree seaghnit, nee’m gaccan.

Psalmyn 80:4

O Hiarn Yee dy heshaght-chaggee flaunys: caïd vees oo corree rish dty phobble ta goaill padjer?

Raaghyn Creeney 1:28

Eisht nee ad geamagh orrym’s, agh mish cha der ansoor; nee ad m’y hirrey dy moghey, agh cha vow ad mee.

Arrane Solomon 5:2

Ta mee saveenagh, agh ta my chree dooisht: she coraa my ghraih t’ayn ta cronkal, gra, Foshil dooys, my chree, my ghraih, my chalmane, my red ôney: son ta my chione fluigh lesh y druight, as folt my ching lesh bineyn ny hoie.

Arrane Solomon 5:4

Hug my ghraih e laue stiagh er glass y dorrys, as va my chree seaghnit er e hon.

Arrane Solomon 6:1

Cre’n raad ta dty ghraih er ghoaill, O uss s’aalin ta mastey mraane? cre’n raad ta dty ghraih er hyndaa? dy vod mayd mayrt’s shirrey er e hon.

Isaiah 12:1

As ayns y laa shen nee oo gra, O Hiarn, ver-ym moylley dhyt: ga dy r’ou corree rhym, ta dty yymmoose chyndaït ersooyl as t’ou dy my gherjaghey.

Isaiah 50:2

Kys ve, tra haink mee, nagh row dooinney erbee? tra deïe mee, nagh ren fer freggyrt? Vel my laue cha giare shen, nagh voddym livrey? as nagh vel pooar aym dy hauail? cur-my-ner, ec my oghsan ta mee chyrmaghey seose yn aarkey, ta mee chyndaa ny awinyn gys faasagh: ta’n eeast oc breinnaghey laccal ushtey, as goll naardey ’sy chyrmid.

Isaiah 57:16

Son cha beem’s dy kinjagh streeu, chamoo vee’m dy kinjagh corree: son yinnagh yn spyrryd failleil kiongoyrt rhym, as ny anmeenyn ta mee er chroo.

Isaiah 58:2

Foast t’ad shirrey mee gagh laa, as goaill taitnys dy hoiggal my raaidyn, myr ashoon ren geiyrt er ynrickys, as nagh ren treigeil oardaghyn yn Jee oc: t’ad geearree voym oardaghyn dy chairys; t’ad goaill taitnys ayns tayrn er-gerrey da Jee.

Isaiah 8:17

As nee’m farkiaght er y Chiarn, ta follaghey e eddin veih thie Yacob, as nee’m jeeaghyn er e hon.

Dobberan 3:8

Myrgeddin tra ta mee gaccan as geam, t’eh dooney magh my phadjer.

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Hosea 5:6

Hed ad lesh nyn shellooyn as nyn shioltaneyn dy hirrey yn Chiarn, agh cha vow ad clashtyn voish, t’eh er n’gholl foddey voue.

Zechariah 7:13

Shen-y-fa haink eh gy-kione, myr deïe eshyn, as nagh jinnagh ad clashtyn, myr shen deïe adsyn, as cha jinnin’s clashtyn, ta Chiarn ny flaunyssee dy ghra.

Noo Mian 26:75

As chooinee Peddyr er ny goan va Yeesey er ghra rish, Roish gerrym y chellee, obbee uss mish three keayrtyn. As hie eh magh as cheayn eh dy sharroo.

Noo Mark 14:72

As ren y kellagh gerrym yn nah cheayrt. As chooinee Peddyr er ny goan va Yeesey er loayrt rish, Roish my gerr y kellagh daa cheayrt, nee uss mish y obbal three keayrtyn. As tra smooinee eh er shen, ren eh keayney.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.

1 Samuel 28:6

As tra ren Saul briaght jeh’n Chiarn, cha dreggyr y Chiarn eh, liorish ashlishyn, ny liorish Urim, ny liorish phadeyryn.