Arrane Solomon 5:4 - Yn Vible Casherick 1775 1819

⁴ Hug my ghraih e laue stiagh er glass y dorrys, as va my chree seaghnit er e hon.

Arrane Solomon 5:4 ပူးပေါင်းရင်းမြစ်များ

Genesis 43:30

As ren Joseph siyr; son va’n cree echey lhieeney lesh graih jeean er e vraar: as yeeagh eh son boayl dy cheayney, as hie eh stiagh ayns e hiamyr, as hug eh raad da e yeïr ayns shen.

Genesis 7:11

As ’sy cheyoo cheead vleïn jeh eash Noah, ’sy nah vee, er y chiaghtoo laa yeig jeh’n vee, er y laa cheddin va ooilley undinyn y diunid vooar er nyn mrishey seose, as va uinniagyn yn aer foshlit.

1 Reeaghyn 3:26

Eisht loayr y ven by-liesh y lhiannoo bio rish y ree, (son ren e cree chiow gys e lhiannoo,) as dooyrt ee, O my Hiarn, cur jeeish yn lhiannoo bio, as ny marr eh er aght erbee. Agh dooyrt yn unnane elley, Ny lhig da ve edyr lhiam’s ny lhiat’s, agh lhig da ve rheynnit.

Psalmyn 110:3

Ayns laa dty phooar nee’n pobble ourallyn-arryltagh y hebbal hood’s lesh ooashley crauee: ta druight yn cheet ayd er y theihll veih breïn y voghrey.

Arrane Solomon 1:4

Jean m’y chleayney, as roie mayd geiyrt ort: ta’n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd’s, bee mayd ny s’aggindee er dty ghraih na er feeyn: shynney lesh sleih mie oo.

Jeremiah 31:20

Vel Ephraim my vac deyr? vel eh my lhiannoo ennoil? son neayr’s loayr mee n’oï, ta mee dy jeean cooinaghtyn er dy kinjagh; shen-y-fa ta my chree seaghnit er e hon: son shickyrys bee myghin aym er, ta’n Chiarn dy ghra.

Jannoo 16:14

As va ben dy row va enmyssit Lydia, jeh ard-valley Thyatira, as dellal ayns purple, v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

2 Corinthianee 8:16

Agh booise dy row gys Jee, hug yn chiarail jeean cheddin ayns cree Titus er nyn son.

Philippianee 2:13

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney-mie hene.