Arrane Solomon 5:2 - Yn Vible Casherick 1775 1819

² Ta mee saveenagh, agh ta my chree dooisht: she coraa my ghraih t’ayn ta cronkal, gra, Foshil dooys, my chree, my ghraih, my chalmane, my red ôney: son ta my chione fluigh lesh y druight, as folt my ching lesh bineyn ny hoie.

Arrane Solomon 5:2 ပူးပေါင်းရင်းမြစ်များ

Genesis 29:20

As ren Jacob shirveish shiaght bleeaney son Rachel: as cha row ad da agh myr earish yiare, son y ghraih v’echey urree.

Psalmyn 119:1

Bannit t’adsyn ta glen ayns y raad: as ta gimmeeaght ayns leigh yn Chiarn.

Psalmyn 81:10

Cha bee Jee erbee joarree aynyd’s: chamoo ver oo ooashley da Jee erbee elley.

Raaghyn Creeney 23:26

My vac, cur dooys dty chree, as lhig da dty hooillyn cur tastey da my raaidyn.

Arrane Solomon 1:16

Cur-my-ner, t’ou aalin, my ghraih, dy jarroo eunyssagh: ta’n lhiabbee ain myrgeddin geayney.

Arrane Solomon 2:10

Loayr my ghraih, as dooyrt eh rhym, Trog ort, my ghraih, my chooid s’aalin, as tar royd.

Arrane Solomon 2:14

O my chalmane ta ayns tuill ny creggyn, fo skellooyn yn eaynee, lhig dou dty eddin y akin, lhig dou dty choraa y chlashtyn; son s’eunyssagh dty choraa, as stoamey dty eddin aalin.

Arrane Solomon 2:8

Coraa my ghraih’s! cur-my-ner t’eh cheet lheim er ny sleityn, cor-lheimyragh er ny croink.

Arrane Solomon 3:1

Ayns yn oie er my lhiabbee hir mee er son graih my annym: hir mee er e hon, agh cha dooar mee eh.

Arrane Solomon 4:7

T’ou ooilley aalin, my ghraih, cha vel cron erbee aynyd’s.

Arrane Solomon 4:9

T’ou er chleayney my chree, my ghraih, my gherjagh, lesh un shallid jeh dty hooillyn, lesh un chyndaa jeh dty wannal t’ou er ghoaill my chree.

Arrane Solomon 5:11

Ta e chione myr yn airh share, ta folt e ching dossagh, as doo myr y feeagh.

Arrane Solomon 5:6

Doshil mee da my ghraih, agh va my ghraih er n’immeeaght, as er n’gholl roish, hie e ghoan gys my annym: hir mee er e hon, agh cha dooar mee eh; deïe mee er, agh cha dreggyr eh mee.

Arrane Solomon 6:9

Agh she my chalmane aalin ta my ynrycan graih; t’eeish lhiannoo ynrycan e moir, ynrycan ennoil jeeish hug gys y theihll ee: honnick ny moidynyn ee, as vannee ad ee, ny princessyn neesht, as ny co-lhiabbee hug moylley jee.

Arrane Solomon 7:9

As glare dty veeal myr y feeyn share, son my ghraih, ta goll sheese dy blaystal, cur er ny meillyn cadlagh dy loayrt.

Arrane Solomon 8:7

Cha jean thooillaghyn ushtey graih y vooghey, chamoo oddys ny tonnyn y vaih ee, my yinnagh dooinney ooilley e chooid-seihlt son graih, cha beagh yn soiagh sloo jeant jeh.

Isaiah 50:6

Heb mee my ghreeym dauesyn ren m’y woalley, as my lieckanyn dauesyn va raipey jee’m yn aasaag; cha dollee mee my eddin veih nearey as shellaghyn.

Isaiah 52:14

Myr va ymmodee goaill yindys jeed; (va e eddin jeant ny s’eajee na eddin dooinney erbee, as e chummey ny smessey na veg jeh cloan gheiney;)

Daniel 8:18

Nish myr v’eh loayrt rhym, va mee ayns cadley trome, lesh my eddin gys y thalloo: agh venn eh rhym, as hrog eh mee er my chassyn.

Zechariah 4:1

As haink yn ainle, va taggloo rhym, yn nah cheayrt, as ghooisht eh mish, myr dooinney t’er ny ghoostey ass e chadley.

Noo Mian 7:8

Son ta dy chooilley unnane ta geearree, geddyn: as y fer ta shirrey feddyn: as dasyn ta cronkal, bee’n dorrys er ny osley.

Noo Mian 8:17

Myr shoh va cooilleenit shen ny loayr Esaias y phadeyr, gra, Ghow eh-hene er ny aslayntyn ainyn, as dymmyrk eh nyn ghoghanyn.

Noo Mark 1:35

As moghrey laa-ny-vairagh dirree eh foddey roish y laa, as hie eh magh, as jimmee eh gys boayl faasagh, as ayns shen ghow eh padjer.

Noo Luke 22:44

As v’eh ayns angaish vooar, as ghow eh padjer ny s’jeeaney: as va’n ollish echey myr bineyn mooarey folley tuittym gys y thalloo.

Noo Luke 6:12

As haink eh gy-kione ayns ny laghyn shen, dy jagh eh seose er slieau dy ghoaill padjer, as dy ren eh tannaghtyn fud-ny-hoie ayns padjer gys Jee.

Noo Luke 9:32

Agh haink cadley trome er Peddyr as orroosyn va mârish: as tra v’ad er ghoostey, honnick ad yn ghloyr echey, as y daa ghooinney va nyn shassoo mârish.

Noo Ean 10:4

As tra t’eh cur magh e chirree hene, t’eh goll rhymboo, as ta ny kirree geiyrt er: son ta enney oc er e choraa.

Galatianee 2:20

Ta mee er my chrossey marish Creest: Ny-yeih ta mee bio; foast cha nee mish, agh Creest ta bio aynym: as y vea ta mee nish dy vaghey ’syn eill, ta mee baghey liorish credjue Mac Yee, va graih echey orrym, as ren eh-hene y choyrt er my hon.

Ephesianee 5:14

Shen-y-fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr v’ad ny chied messyn da Jee as da’n Eayn.

Ashlish 3:20

Cur-my-ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, hig-ym stiagh huggey, as nee’m shibber y ghoaill mârish, as eshyn mârym’s.

Ashlish 3:4

Ta regyryn dy enmyn ayd ayns Sardis hene, nagh vel er sollaghey nyn gharmadyn; as nee ad shooyl mârym’s ayns coamraghyn gial: son t’ad feeu.