Arrane Solomon 5:16 - Yn Vible Casherick 1775 1819

¹⁶ Ta e veeal miljid hene: dy feer t’eh ooilley-cooidjagh aalin. She shoh my ghraih, as lheid shoh my charrey, O inneenyn Yerusalem.

Arrane Solomon 5:16 ပူးပေါင်းရင်းမြစ်များ

2 Samuel 1:23

S’ghraihoil as s’aalin yn aigney-mie va eddyr Saul as Jonathan ayns nyn mioys, as ayns baase cha row ad er nyn scarrey: v’ad ny s’bieau na urlee, v’ad ny s’troshey na lionyn.

Psalmyn 119:103

O cre cha millish ta dty ghoan gys my vlass: dy jarroo, ny s’miljey na mill da my veeal!

Psalmyn 148:13

Troggee eshyn seose dy ard niart e phobble; nee ooilley e nooghyn eshyn y voylley: dy feer cloan Israel, dy jarroo yn pobble ta dy hirveish eh.

Psalmyn 19:10

Ny smoo t’ad dy v’er nyn yeearree na airh, dy jarroo, na mooarane airh ghlen: ny s’miljey neesht na mill, as y kere-volley.

Psalmyn 45:2

Ta my hengey myr fedjag-screeuee: yn scrudeyr tappee.

Psalmyn 89:6

Son quoi eh erskyn ny bodjallyn: vees er ny hoylaghey rish y Chiarn?

Arrane Solomon 1:16

Cur-my-ner, t’ou aalin, my ghraih, dy jarroo eunyssagh: ta’n lhiabbee ain myrgeddin geayney.

Arrane Solomon 1:2

Lhig da mish y phaagey lesh paagyn e veeal: son ta dty ghraih ny s’miljey na feeyn.

Arrane Solomon 1:5

O shiuish inneenyn Yerusalem, ta mee dorraghey myr cabbaneyn Chedar, agh stoamey myr curtanyn Solomon.

Arrane Solomon 2:1

She mish rose Sharon, as lilee ny coanyn.

Arrane Solomon 2:16

Ta my ghraih lhiam’s, as mish leshyn: t’eh beaghey mastey ny lileeyn.

Arrane Solomon 2:3

Myr yn billey-ooyl mastey biljyn ny keylley, myr shen ta my ghraih mastey ny deiney aegey. Hoie mee sheese fo’n scadoo echey lesh mooarane taitnys, as s’millish va e vess gys my vlass.

Arrane Solomon 4:3

Ta dty veillyn goll-rish snaie scarleod, as s’meeley ta dty ghlare; ta dty cheeillyn myr blaa yn phomegranate fo dty vreidyn.

Arrane Solomon 6:3

Ta mish lesh my ghraih, as my ghraih lhiam’s: t’eh beaghey mastey ny lileeyn.

Arrane Solomon 7:9

As glare dty veeal myr y feeyn share, son my ghraih, ta goll sheese dy blaystal, cur er ny meillyn cadlagh dy loayrt.

Jeremiah 15:16

Hooar mee dty ghoan, as d’ee mee ad; as va dty ghoo dooys boggey as gerjagh my chree; son ort’s ta mee enmyssit, O Hiarn, Jee ny sheshaghtyn flaunyssagh.

Jeremiah 3:20

Son shickyrys myr ta ben-phoost dy foalsey treigeil e sheshey, myr shen ta shiuish er ghellal dy foalsey rhym’s, O hie Israel, ta’n Chiarn dy ghra.

Hosea 3:1

Eisht dooyrt y Chiarn rhym, Immee reesht, cur graih da ben (ennoil da e carrey, ga ny maarderagh) casley rish graih yn Chiarn gys cloan Israel, ta sooill oc gys jeeghyn elley, as nyn aigney er flagonyn feeyney.

Galatianee 2:20

Ta mee er my chrossey marish Creest: Ny-yeih ta mee bio; foast cha nee mish, agh Creest ta bio aynym: as y vea ta mee nish dy vaghey ’syn eill, ta mee baghey liorish credjue Mac Yee, va graih echey orrym, as ren eh-hene y choyrt er my hon.

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

Jamys 2:23

As va’n scriptyr er ny chooilleeney ta gra, Chred Abraham Jee, as ve coontit da son cairys: as v’eh enmyssit carrey Yee.

Jamys 4:4

Shiuish gheiney as vraane maarderee [spyrrydoil], nagh vel fys eu dy vel caarjys y theihll noidys rish Jee? quoi-erbee er-y-fa shen saillish ve ny charrey da’n seihll, t’eh noid Yee.