Arrane Solomon 4:9 - Yn Vible Casherick 1775 1819

⁹ T’ou er chleayney my chree, my ghraih, my gherjagh, lesh un shallid jeh dty hooillyn, lesh un chyndaa jeh dty wannal t’ou er ghoaill my chree.

Arrane Solomon 4:9 ပူးပေါင်းရင်းမြစ်များ

Genesis 20:12

As ny-yeih t’ee dy jarroo my huyr; son t’ee inneen my ayrey, agh cha nee inneen my vayrey: as haink ee dy ve my ven.

Genesis 41:42

As ghow Pharaoh jeh yn fainey echey veih e laue, as hug eh er laue Yoseph eh, as choamree eh eh ayns garmadyn sheeidey, as hug eh boandey dy airh mooish e wannal.

Psalmyn 45:9

Ta ooilley dty gharmadyn soaral jeh myrrh, aloes, as cassia: magh ass ny plaaseyn ivory, lhieu t’ad er dty yannoo gennal.

Raaghyn Creeney 1:9

Son bee ad aalid dy ghrayse da dty chione, as myr boandey airhey mysh dty wannal.

Raaghyn Creeney 6:25

Ny lhig da dty chree ve soit er yn aalid eck, as ny lhig j’ee oo y chleayney lesh ferrooghyn e sooill.

Arrane Solomon 1:10

Ta dty cheeillyn bwaagh soit magh lesh roaghyn dy yewellyn, dty wannal lesh boandaghyn airhey.

Arrane Solomon 1:15

Cur-my-ner, t’ou aalin my ghraih; cur-my-ner t’ou aalin, ta ayd sooillyn calmane.

Arrane Solomon 3:11

Immee-jee magh, O shiuish inneenyn Zion, as cur-jee my-ner, yn ree Solomon, ceau yn chrown ren e voir giootal da er laa e phoosey, eer laa gennallys e chree.

Arrane Solomon 4:10

Cre cha eunyssagh ta dty ghraih, my huyr, my ven veen! ta dty ghraih foddey erskyn y feeyn share, as soar millish dty ennal roish bree dy chooilley spice s’blaystal.

Arrane Solomon 4:12

Garey dooint ta my ghraih, my ven heshey, t’ee chibbyr glast, as moir y gheill sealit.

Arrane Solomon 6:12

’Sy tullogh, hie my annym er e eiyrt’s, cha bieau as cha tappee as fainee Amminadib.

Arrane Solomon 6:5

Chyndaa dty hooillyn orrym, dy vod ad my vaynrey: ta dty olt myr shioltane dy ghoair t’er ny akin veih Gilead.

Arrane Solomon 7:10

Ta mish lesh my ghraih, as orrym’s ta e chree’s soit.

Isaiah 54:5

Son ta dty Er-croo dty ghooinney-poost; (ta’n ennym echey Chiarn ny flaunyssee;) as dty Haualtagh, Fer-casherick Israel; Jee yn slane seihll bee eshyn enmyssit.

Isaiah 62:5

Son myr ta dooinney aeg poosey moidyn, myr shen nee yn Chiarn uss y phoosey: as myr ta’n dooinney-poosee goaill boggey harrish y ven-phoost, myr shen myrgeddin nee dty Yee goaill boggey harryd’s.

Ezekiel 16:11

Hoie mee magh oo myrgeddin dy stoamey, as hug mee braceletyn er dty laueyn, as boandey airhey mysh dty wannal.

Ezekiel 16:8

Nish tra hie mee shaghyd, as tra yeeagh mee ort, cur-my-ner v’ou ec eash lowal-poosee, as ren mee dty phoosey, as choodee mee dty nearey, dy feer, hug mee dhyt my vreearrey, as ren mee conaant rhyt, ta’n Chiarn Jee dy ghra, as haink oo dy ve lhiam pene.

Daniel 5:7

Dyllee yn ree dy ard, ad dy chur lhieu stiagh ny rollageydee, ny Caldeanee, as ny fir-ysseree: as loayr y ree, as dooyrt eh rish deiney-creeney Vabylon, Quoi-erbee lhaihys yn screeu shoh, as ver dooys bun er, bee eh er ny choamrey lesh scarleod, as boandey airhey mysh e wannal, as bee eh yn trass reiltagh ’sy reeriaght.

Zephaniah 3:17

Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.

Noo Mian 12:50

Son quoi-erbee nee aigney my Ayrey t’ayns niau, eh shen my vraar, as my huyr as my voir.

Noo Ean 3:29

Eshyn dooinney yn phoosee ta ben y phoosee echey: agh ta carrey dooinney yn phoosee ta ny hassoo as geaishtagh rish, goaill boggey mooar jeh coraa yn dooinney-poosee: ta shoh my voggey’s er-y-fa shen jeant magh.

1 Corinthianee 9:5

Nagh vel cairys ain dy chur lhien mârin er nyn yurnah shuyr, ben, chammah’s ostyllyn elley, as braaraghyn y Chiarn, as Cephas?

2 Corinthianee 11:2

Son ta mee eadolagh harrishdiu lesh eadolys chrauee, son ta mee er nastey shiu rish un heshey, dy voddym shiu y hebbal myr moidyn ghlen da Creest.

Ashlish 21:2

As honnick mish Ean yn ard-valley casherick, yn Jerusalem noa, cheet neose veih Jee ass niau, soit magh myr ben-phoosee coamrit son e sheshey.