Arrane Solomon 4:8 - Yn Vible Casherick 1775 1819

⁸ Tar mârym’s voish Lebanon, my ven-phoosee, mârym’s voish Lebanon: jeeagh sheese voish mullagh Amana, veih yrjid Shenir as Hermon, voish ooig ny lionyn, voish sleityn y lion spottagh.

Arrane Solomon 4:8 ပူးပေါင်းရင်းမြစ်များ

1 Reeaghyn 4:33

As hug eh coontey jeh biljyn, veih’n billey-cedar t’ayns Lebanon eer gys y hyssop ta gaase ass y voall: hug eh coontey myrgeddin jeh beiyn, as jeh eeanlee, as jeh ny beishteigyn snauee, as jeh eeastyn.

2 Reeaghyn 5:12

Nagh vel Abana as Pharpar, awinyn Damascus, ny share na ooilley ushtaghyn Israel? nagh voddym niee ayndoo as ve glen? Myr shen hyndaa eh, as jimmee eh roish ayns jiarg-eulys.

1 Recortyssyn 5:23

As ren cloan lieh-tribe Vanasseh cummal ayns y cheer: ren ad skeayley veih Bashan gys Baal-hermon, as Senir, as gys cronk Hermon.

Psalmyn 45:10

Va inneenyn reeaghyn mastey dty vraane ooasle: er dty laue yesh hass y ven-reïn ayns coamrey dy airh, obbrit mygeayrt lesh caghlaaghyn daah.

Psalmyn 72:16

Bee palchey arroo er y thalloo, ard er ny croink: nee’n mess echey craa myr Libanus, as bee eh glass ’syn ard-valley myr faiyr er y thalloo.

Psalmyn 76:1

Ayns Judea ta enney er ny choyrt er Jee: ta’n ennym echey mooar ayns Israel.

Psalmyn 76:4

T’ou jeh onnor as niart smoo: na croink ny roosteyryn.

Psalmyn 89:12

Ta ny niaughyn lhiat’s, lhiat’s myrgeddin yn thalloo: t’ou er hoiaghey undin y seihll runt, as ooilley ny t’ayn.

Raaghyn Creeney 9:6

Treig-jee yn vooinjer ommijagh, as bee-jee bio: as immee-jee ayns y raad dy chreenaght.

Arrane Solomon 2:13

Ta’n billey-figgagh gymmyrkey figgyn glassey, as ta ny biljyn-feeyney lesh nyn merrishyn meiygh ceau soar millish. Trog ort, my ghraih, my chooid s’aalin, as tar royd.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Arrane Solomon 7:11

Tar mârym, my ghraih, lhig dooin goll magh gys y vagher: lhig dooin aaght y ghoaill ayns ny baljyn-cheerey.

Isaiah 62:5

Son myr ta dooinney aeg poosey moidyn, myr shen nee yn Chiarn uss y phoosey: as myr ta’n dooinney-poosee goaill boggey harrish y ven-phoost, myr shen myrgeddin nee dty Yee goaill boggey harryd’s.

Ezekiel 27:5

T’ad er n’yannoo ooilley ny buird lhuingey ayd jeh biljyn-juys Senir: t’ad er ghoaill cedaryn veih Lebanon dy yannoo crooin er dty hon.

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Deuteronomy 3:25

Ta mee guee ort, lhig dou goll harrish, as shilley ’gheddyn jeh’n cheer mie shen ta cheu elley dy Yordan, yn slieau aalin shen, Lebanon.

Deuteronomy 3:9

(Yn Hermon cheddin ta ny Sidonianee genmys Sirion: as ta ny Amoriteyn genmys eh Shenir.)

Joshua 12:1

Nish ad shoh reeaghyn ny cheerey, orroo hooar cloan Israel y varriaght, as nyn dhalloo ren ad y ghoaill er cheu elley dy Yordan, lesh irree ny greïney; veih awin Arnon gys cronk Hermon, as ooilley’n strah cheu-har.