Arrane Solomon 4:6 - Yn Vible Casherick 1775 1819

⁶ Derrey brishey’n laa, as skeayley ny bodjallyn, hem’s roym gys y charnane myrrhey, as gys y chronk frankincense.

Arrane Solomon 4:6 ပူးပေါင်းရင်းမြစ်များ

Psalmyn 66:15

Deïe mee er lesh my veeal: as hug mee moylley da lesh my hengey.

Exodus 20:24

Altar coirrey nee oo dooys, as er nee oo chebbal dty ourallyn-losht, as dty ourallyn-shee, dty chirree, as dty ghew; ayns dy chooilley ynnyd raad ta m’ennym er ny ooashlaghey, bee’m mayrt, as nee’m dty vannaghey.

Exodus 30:8

As tra ta Aaron foaddey ny lampyn ’syn astyr, nee eh oural-millish y lostey er; oural-millish kinjagh kiongoyrt rish y Chiarn, trooid magh nyn sheelogheyn.

Exodus 37:29

As ren eh yn ooil casherick, as yn incense costal dy spiceyn millish, lurg schleï yn phothecary.

Arrane Solomon 2:17

Derrey’n vadran, as skeayley ny bodjallyn, chyndaa my ghraih, as bee uss myr y vinjeig feïe, ny’n feeaïh aeg er sleityn Vether.

Arrane Solomon 3:6

Quoi eh shoh ta cheet seose ass yn aasagh, goll-rish pillaryn jaagh, as mârish bree dy hoar millish myrrh as frankincense, lesh ooilley poodyryn spiceit y varchan.

Arrane Solomon 4:14

Spikenard as saffron, calamus as cinnamon, marish dy chooilley ghooghys dy viljyn frankincense, myrrh as aloes, marish dy chooilley spice costal.

Arrane Solomon 8:14

Jean siyr, my ghraih, as bee myr y vinjeig feïe, ny myr yn feeaïh aeg er sleityn ny spiceyn.

Isaiah 2:2

As hig eh gy-kione ayns ny laghyn jerrinagh, dy bee slieau thie yn Chiarn er ny hoiaghey er mullagh ny sleityn; as nee dy chooilley ashoon chionney stiagh huggey.

Malachi 1:11

Son veih irree ny greïney, eer gys y lhie echey vees my ennym ooasle mastey ny ashoonee; as ayns dy chooilley voayl vees incense er ny hebbal gys my ennym, as oural ghlen: son bee my ennym ooasle mastey ny ashoonee, ta Chiarn ny flaunyssee dy ghra.

Malachi 4:2

Agh erriuish ta goaill aggle roish my ennym, nee yn ghrian dy ynrickys girree lesh slaynt ayns e skianyn; as hed shiuish er nyn doshiaght, as gaase myr ny lheiyee slane beiyht.

Noo Luke 1:78

Trooid myghin meiygh yn Jee ain; liorish ta irree ny greïney veih yn yrjid er hoilshean orrin,

2 Peddyr 1:19

Ta ain myrgeddin goo shickyree dy adeyrys; gys shen ta shiu jannoo dy mie dy der shiu tastey, myr da soilshey ta soilshean ayns ynnyd dorraghey, derrey ta’n laa brishey, as rollage y voghrey girree ayns nyn greeaghyn:

1 Ean 2:8

Reesht, anney noa ta mee scrieu hiu, red ta firrinagh aynsyn as ayndiuish: er-y-fa dy vel y dorraghys er n’gholl shaghey, as dy vel yn soilshey firrinagh hannah er jeet rish.

Ashlish 22:16

Ta mish Yeesey er choyrt my ainle dy ve feanish diu jeh ny reddyn shoh ayns ny kialteenyn. Mish fraue as sluight Ghavid, as rollage sollys y voghrey.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.