Arrane Solomon 4:5 - Yn Vible Casherick 1775 1819

⁵ Ta dty cheeaghyn goll-rish daa feeaïh aegey ta nyn lannoonyn, fassagh mastey ny lileeyn.

Arrane Solomon 4:5 ပူးပေါင်းရင်းမြစ်များ

Raaghyn Creeney 5:19

Lhig j’ee ve myr y feeaïh veen, as myr cretoor ennoil mygeayrt thie: lhig da ny keeaghyn ecksh oo y wooiys dy kinjagh, as gow uss taitnys dagh traa ayns y ghraih eck.

Arrane Solomon 1:13

Ta my ghraih dooys myr dhossan myrrh; lhie fud-ny-hoie ayns my oghrish.

Arrane Solomon 2:16

Ta my ghraih lhiam’s, as mish leshyn: t’eh beaghey mastey ny lileeyn.

Arrane Solomon 6:2

Ta my ghraih er n’gholl sheese gys e gharey, gys ny imraghyn spice, dy ee mess ny garaghyn, as dy haglym lileeyn.

Arrane Solomon 6:3

Ta mish lesh my ghraih, as my ghraih lhiam’s: t’eh beaghey mastey ny lileeyn.

Arrane Solomon 7:3

Ta dty cheeaghyn myr cubbyl dy feeaïhee aegey ta nyn lannoonyn.

Arrane Solomon 7:4

Ta dty wannal myr toor ivory, dty hooillyn myr ny loghanyn eeastee ayns Heshbon, liorish giat Vath-rabbim: ta dty stroin myr toor Lebanon, ta jeeaghyn lesh Damascus.

Arrane Solomon 7:7

T’ou jeeragh thollee myr y villey-palm, as dty cheeaghyn myr dhossanyn palmey.

Arrane Solomon 8:1

O dy beagh oo myr my vraar, ren jiole keeaghyn my voir; tra yoin oo mooie, yinnin oo y phaagey, as cha beagh foill dy gheddyn dou.

Arrane Solomon 8:10

She voalley mee, as ta my cheeaghyn myr tooryn: eisht va mee ayns ny sooillyn echey, myr e charrey smoo ennoil.

1 Peddyr 2:2

Myr oikanyn noa-ruggit yeearree-jee bainney spyrrydoil y ghoo, dy vod shiu gaase liorish: