Arrane Solomon 4:4 - Yn Vible Casherick 1775 1819

⁴ Ta dty wannal goll-rish toor Ghavid troggit son thie armyn, soit magh lesh thousane buckler, ooilley scapeyn ny treanee.

Arrane Solomon 4:4 ပူးပေါင်းရင်းမြစ်များ

2 Samuel 1:21

Shiuish sleityn Yilboa, ny lhig da druight ny fliaghey cheet erriu, ny magheryn ourallagh: son shen y raad va scape y dooinney niartal, eer scape Saul, dy naareydagh er ny hilgey ersooyl, myr nagh beagh eh er ny ve yn ree ooilit.

2 Samuel 22:51

Eshyn yn toor dy haualtys son e ree; as t’eh soilshaghey myghin da e er-ooilit, da David, as da e luight er son dy bragh.

Nehemiah 3:19

As yn ayrn by-niessey dasyn ren Ezer mac Yeshua, fer-reill Mizpah, peesh elley y choamrey myr t’ou goll seose lesh thie-tashtee ny greinyn-caggee, ec corneil y voalley.

Psalmyn 144:12

Dy vod ny mec ainyn gaase seose myr ny biljyn aegey: as dy vod ny inneenyn ain ’ve myr corneilyn aalin y chiamble;

Arrane Solomon 1:10

Ta dty cheeillyn bwaagh soit magh lesh roaghyn dy yewellyn, dty wannal lesh boandaghyn airhey.

Arrane Solomon 7:4

Ta dty wannal myr toor ivory, dty hooillyn myr ny loghanyn eeastee ayns Heshbon, liorish giat Vath-rabbim: ta dty stroin myr toor Lebanon, ta jeeaghyn lesh Damascus.

Arrane Solomon 7:5

Ta dty chione myr Carmel, as ta folt dty ching myr ny atteeyn gorrym-jiarg, t’ayns ny shamyryn reeoil.

Arrane Solomon 8:10

She voalley mee, as ta my cheeaghyn myr tooryn: eisht va mee ayns ny sooillyn echey, myr e charrey smoo ennoil.

Micah 4:8

As uss, O hoor yn chioltane, cashtal inneen Zion, hood’s hig eh reesht, dy jarroo yn chied reiltys, hig yn reeriaght gys inneen Yerusalem.

Colossianee 2:19

As cha nee cummal gys y chione, voish myr ta’n slane corp liorish juntyn as kianglaghyn er ny hirveish as sniemmit cooidjagh, te cheet er y hoshiaght lesh bishagh Yee.

1 Peddyr 1:5

Ta er nyn vendeil liorish pooar Yee trooid credjue gys saualtys, aarloo dy ve er ny hoilshaghey ec y laa jerrinagh.