Arrane Solomon 4:16 - Yn Vible Casherick 1775 1819

¹⁶ Gow fea, O gheay-jiass, agh dooisht, O gheay-twoaie, as tar magh, sheid er my gharey dy vod ny spiceyn blaaghey: lhig da my ghraih cheet gys e gharey hene, as gee jeh ny messyn s’taitnyssagh.

Arrane Solomon 4:16 ပူးပေါင်းရင်းမြစ်များ

Ecclesiastes 1:6

Ta’n gheay goll lesh y jiass, as chyndaa mygeayrt gys y twoaie, t’ee kinjagh cassey mygeayrt, as chyndaa reesht rere e combaaseyn.

Ecclesiastes 2:5

Ren mee dou hene garaghyn as orchardyn, as hoie mee ayndoo dy chooilley cheint dy villey mess.

Arrane Solomon 1:13

Ta my ghraih dooys myr dhossan myrrh; lhie fud-ny-hoie ayns my oghrish.

Arrane Solomon 1:4

Jean m’y chleayney, as roie mayd geiyrt ort: ta’n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd’s, bee mayd ny s’aggindee er dty ghraih na er feeyn: shynney lesh sleih mie oo.

Arrane Solomon 2:3

Myr yn billey-ooyl mastey biljyn ny keylley, myr shen ta my ghraih mastey ny deiney aegey. Hoie mee sheese fo’n scadoo echey lesh mooarane taitnys, as s’millish va e vess gys my vlass.

Arrane Solomon 2:8

Coraa my ghraih’s! cur-my-ner t’eh cheet lheim er ny sleityn, cor-lheimyragh er ny croink.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Arrane Solomon 6:2

Ta my ghraih er n’gholl sheese gys e gharey, gys ny imraghyn spice, dy ee mess ny garaghyn, as dy haglym lileeyn.

Arrane Solomon 8:12

Ta’n garey-feeyney va lhiam’s kiongoyrt rhym: shegin da thousane ve ayd’s, O Solomon, as daa cheead ocsyn ta goaill kiarail jeh’n mess echey.

Isaiah 64:1

O dy jinnagh oo brishey sheese trooid ny niaughyn, dy darragh oo neose, as ny sleityn dy lheïe sheese ec dty enish;

Ezekiel 37:9

Eisht dooyrt eh rhym, Jean phadeyrys gys y gheay, jean phadeyrys, vac y dooinney, as abbyr rish y gheay, Myr shoh ta’n Chiarn Jee dy ghra, Tar veih ny kiare geayghyn, O ennal, as sheid ennal ayns ny merriu shoh, dy vod ad ve bio.

Noo Mian 26:10

Tra hoig Yeesey shoh, dooyrt eh roo, Kys dy vel shiu boirey yn ven? son t’ee er n’yannoo obbyr vie orrym’s.

Noo Mian 26:12

Son liorish dy vel ee er gheayrtey yn ooil shoh er my chorp, t’ee er n’yannoo eh cour my oanluckey.

Noo Ean 3:8

Ta’n gheay sheidey raad saillee, as t’ou clashtyn y sheean eck, agh cha s’ayd cre voish t’ee cheet, ny cre’n raad t’ee goll: myr shen ta dy chooilley unnane t’er ny ruggey jeh’n Spyrryd.

Noo Ean 5:8

Dooyrt Yeesey rish, Trog ort, gow seose dty lhiabbee as jean shooyl.

Jannoo 4:31

As erreish daue v’er ghoaill padjer, chrie yn boayl raad v’ad er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

Romanee 15:28

Tra ta mee er-y-fa shen er chooilleeney shoh, as er livrey daue dy sauchey yn mess shoh, goym’s shiuish er my raad gys y Spainey.

1 Peddyr 2:5

Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.

2 Peddyr 3:18

Agh aase-jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.