Arrane Solomon 4:1 - Yn Vible Casherick 1775 1819

¹ Cur-my-ner t’ou uss aalin, my ghraih, cur-my-ner t’ou uss aalin, ta sooillyn calmane ayd fo dty vreidyn; ta dty olt myr shioltane dy ghoair, ta fassagh er cronk Ghilead.

Arrane Solomon 4:1 ပူးပေါင်းရင်းမြစ်များ

Psalmyn 45:11

Clasht, O inneen, as smooinee ort, croym dty chleaysh: jarrood myrgeddin dty phobble hene, as thie dty ayrey.

Arrane Solomon 1:15

Cur-my-ner, t’ou aalin my ghraih; cur-my-ner t’ou aalin, ta ayd sooillyn calmane.

Arrane Solomon 2:10

Loayr my ghraih, as dooyrt eh rhym, Trog ort, my ghraih, my chooid s’aalin, as tar royd.

Arrane Solomon 2:14

O my chalmane ta ayns tuill ny creggyn, fo skellooyn yn eaynee, lhig dou dty eddin y akin, lhig dou dty choraa y chlashtyn; son s’eunyssagh dty choraa, as stoamey dty eddin aalin.

Arrane Solomon 6:5

Chyndaa dty hooillyn orrym, dy vod ad my vaynrey: ta dty olt myr shioltane dy ghoair t’er ny akin veih Gilead.

Arrane Solomon 6:7

Ta dty cheeillyn myr blaa yn phomegranate fo dty vreidyn.

Arrane Solomon 7:5

Ta dty chione myr Carmel, as ta folt dty ching myr ny atteeyn gorrym-jiarg, t’ayns ny shamyryn reeoil.

Jeremiah 22:6

Son myr shoh ta’n Chiarn dy ghra rish thie ree Yudah, T’ou uss Gilead dooys, as mullagh Lebanon: ny-yeih son shickyrys neem’s faasagh y yannoo jeed, as ard-valjyn gyn cummaltee.

Ezekiel 16:14

As hie goo dty aalid magh mastey ny ashoonee: son ve yindyssagh, trooid stoamid my choamrey stow mee ort, ta’n Chiarn Jee dy ghra.

Micah 7:14

Jean dty phobble y reill lesh dty lorg, shioltane dty eiraght, ta cummal orroo hene ayns y cheyll, ayns mean Charmel: lhig daue gyndyr ayns Bashan as Gilead, myr ayns ny shenn traaghyn.

Earrooyn 32:1

Nish va ec cloan Reuben, as cloan Ghad earroo feer vooar dy ollagh: as tra honnick ad dy row thalloo Jazer, as thalloo Ghilead, pastyr mie son ollagh:

Earrooyn 32:40

As hug Moses Gilead da Machir mac Vanasseh, as va shen e chummal.

Noo Mian 11:29

Gow-jee my whing erriu, as ynsee-jee voym’s, son ta mee meen as imlee ayns cree: as yiow shiu fea da nyn anmeenyn.

2 Corinthianee 3:18

Agh shinyn ooilley lesh eddin foshlit, cur-my-ner myr ayns gless gloyr y Chiarn, ta shin er nyn gaghlaa gys y chaslys cheddin, veih gloyr gys gloyr, myr liorish Spyrryd y Chiarn.