Arrane Solomon 3:6 - Yn Vible Casherick 1775 1819

⁶ Quoi eh shoh ta cheet seose ass yn aasagh, goll-rish pillaryn jaagh, as mârish bree dy hoar millish myrrh as frankincense, lesh ooilley poodyryn spiceit y varchan.

Arrane Solomon 3:6 ပူးပေါင်းရင်းမြစ်များ

Exodus 30:34

As dooyrt y Chiarn rish Moses, Gow hood spiceyn millish, stacte, as onycha, as galbanum; ny spiceyn millish shoh lesh frankincense glen; yn un towse jeh dagh unnane oc.

Raaghyn Creeney 7:17

Ta mee er spreih my lhiabbee lesh myrrh, aloes, as cinnamon.

Arrane Solomon 1:13

Ta my ghraih dooys myr dhossan myrrh; lhie fud-ny-hoie ayns my oghrish.

Arrane Solomon 1:3

Son blass dty ooilyn miljey, ta dty ennym myr ooil er ny gheayrtey; shen-y-fa ta ny moidynyn ayns graih rhyt.

Arrane Solomon 3:7

Cur-my-ner e lhiabbee, ta shen lhiabbee Solomon, ta three-feed dooinney dunnal mygeayrt-y-mysh, jeh treanee Israel.

Arrane Solomon 4:6

Derrey brishey’n laa, as skeayley ny bodjallyn, hem’s roym gys y charnane myrrhey, as gys y chronk frankincense.

Arrane Solomon 5:13

Ta ny keeillyn echey myr dash dy spiceyn, myr blaaghyn miljey: ta ny meillyn echey myr lileeyn, shilley myrrh millish breeoil.

Arrane Solomon 5:5

Dirree mee dy osley da my ghraih, as ren my laueyn shilley lesh myrrh er holtyn y ghlass, as my veïr lesh y myrrh s’costal.

Arrane Solomon 8:5

Quoi ee shoh ta cheet seose veih’n aasagh, croymmey er e graih? fo’n billey-ooyl ren mee sooree ort, shen y raad v’ou giallit dou liorish dty voir, ayns shen v’ou nasht rhym lioreeish hug son y theihll oo.

Isaiah 43:19

Cur-my-ner, neem’s red noa y yannoo: eer nish hene te cheet er-ash; nagh der shiu geill da? nee’m raad y yannoo ’syn aasagh hene, as awinyn ’syn eaynagh.

Jeremiah 2:2

Immee, cur eam ayns cleayshyn Yerusalem, gra, Myr shoh ta’n Chiarn dy ghra, Ta cooinaghtyn aym’s ort’s, er kenjallys dty aegid, er dty ghraih tra v’ou nasht rhym, tra deiyr oo orrym ’syn aasagh, ayns cheer nagh row rieau fo.

Jeremiah 31:2

Shoh myr ta’n Chiarn dy ghra, Hooar yn pobble va faagit veih’n chliwe foayr ayns yn aasagh; eer Israel, tra hug mee lhiam stiagh eh gys e chummal ayns fea.

Hosea 9:10

Hooar mee Israel myr messyn-feeyney ayns yn aasagh: va nyn ayraghyn dooys myr mess toshee yn villey-figgagh ’sy chied imbagh: agh hie ad gys Baal-peor, as ren ad scarrey ad-hene gys y red naareydagh shen; as haink ad dy ve eajee, myr ny reddyn deiyr ad orroo.

Noo Mian 2:11

As goll stiagh ’sy thie, hooar ad y lhiannoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Deuteronomy 8:2

As nee oo cooinaghtyn er ooilley’n raad ren y Chiarn dty Yee dty leeideil, rish y da-eed bleïn shoh ’syn aasagh, dy dty injillaghey, as dy dty phrowal, dy hoilshaghey cre v’ayns dty chree, bailt’s e annaghyn y reayll, mannagh bailt.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

Ashlish 12:14

As da’n ven v’er ny choyrt daa skian dy urley vooar, dy voddagh ee getlagh gys yn aasagh, gys yn ynnyd eck hene: raad ta beaghey kiarit j’ee son traa, as traaghyn, as lieh traa, veih eddin yn ard-nieu.

Ashlish 12:6

As hie yn ven er-chea gys yn aasagh, raad ta boayl eck kiarit liorish Jee dy jinnagh ad ish y veaghey ayns shen thousane daa cheead as three-feed laa.

Ashlish 18:13

As cinnamon, as spiceyn millish, as myrrh, as frankincense, as feeyn, as ooil, as flooyr meen, as curnaght, as ollagh, as kirree, as cabbil, as fainee, as slaveyn, as anmeenyn deiney.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.