Arrane Solomon 3:3 - Yn Vible Casherick 1775 1819

³ Veeit mee ny arreyderyn va goll mygeayrt yn ard-valley, as dooyrt mee roo, Vaik shiu eshyn shynney lesh m’annym?

Arrane Solomon 3:3 ပူးပေါင်းရင်းမြစ်များ

Arrane Solomon 1:7

Insh dou, O uss ghraih m’annym, c’raad t’ou fassaghey, cre’n raad ta’n chioltane ayd’s goaill nyn aash bwoaillee vun-laa: son cre’n-fa veign myr shaghrynagh mastey shioltaneyn dty heshaghyn?

Arrane Solomon 5:7

Hooar ny arreyderyn mee myr v’ad goll mygeayrt yn ard-valley, woaill ad mee, as vroo ad mee; as ghow gard ny voallaghyn my vreid voym.

Isaiah 56:10

Ta ny arreyderyn echey doal; t’ad ooilley mee-hushtagh, t’ad ooilley nyn moddee valloo, cha vod ad gounstyrnee, agh cadley, lhie sheese ayns trome-saveenys.

Isaiah 62:6

Ta mee er hoiaghey arreyderyn er dty voallaghyn, O Yerusalem, nagh bee nyn dhost laa ny oie: shiuish ta enmyssit er y Chiarn, ny bee-jee nyn dhost;

Ezekiel 3:17

Vac y dooinney, ta mee er dty yannoo arreyder ayns thie Israel, shen-y-fa eaisht rish goan my veeal, as cur raaue daue voym’s.

Noo Ean 20:15

Dooyrt Yeesey r’ee, Ven, cre’n-fa t’ou keayney? quoi t’ou dy hirrey? Heill ish dy nee yn gareyder v’ayn, as dooyrt ee rish, Vainshter, my t’ou er chur lhiat ass shoh eh, insh dou c’raad t’ou er choyrt eh, as goym ersooyl eh.

Hebrewnee 13:17

Cur-jee biallys dauesyn ta reill harrystiu, as bee-jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu-vondeishagh diu.