Arrane Solomon 3:2 - Yn Vible Casherick 1775 1819

² Irree-ym nish, as hem mygeayrt yn ard-valley trooid ny straïdyn, brie-ym er e hon-syn, shynney lesh my annym, ayns ny raaidyn mooarey: vrie mee er e hon, agh cha dooar mee eh.

Arrane Solomon 3:2 ပူးပေါင်းရင်းမြစ်များ

Raaghyn Creeney 8:34

S’maynrey’n dooinney, ta dy my chlashtyn, ta er e arrey gagh laa ec my yiattyn, farkiaght ec essynyn my ghorrys.

Arrane Solomon 1:7

Insh dou, O uss ghraih m’annym, c’raad t’ou fassaghey, cre’n raad ta’n chioltane ayd’s goaill nyn aash bwoaillee vun-laa: son cre’n-fa veign myr shaghrynagh mastey shioltaneyn dty heshaghyn?

Arrane Solomon 3:3

Veeit mee ny arreyderyn va goll mygeayrt yn ard-valley, as dooyrt mee roo, Vaik shiu eshyn shynney lesh m’annym?

Arrane Solomon 5:5

Dirree mee dy osley da my ghraih, as ren my laueyn shilley lesh myrrh er holtyn y ghlass, as my veïr lesh y myrrh s’costal.

Isaiah 64:7

As cha vel unnane ta geamagh er dty ennym, ta greinnaghey seose eh-hene dy ghoaill greme ort: son t’ou er n’ollaghey dty eddin voïn, as er choyrt naardey shin, kyndagh rish nyn mee-chairys.

Jeremiah 5:1

Roie-jee noon as noal trooid straïdyn Yerusalem, as jeeagh-jee nish, as shir-jee ayns e ynnydyn smoo taaghit, my oddys shiu dooinney y gheddyn, my ta fer erbee ta coyrt briwnys cairagh, ta shirrey magh yn ynrickys; as neem’s leih jee.

Noo Ean 1:6

Va dooinney er ny choyrt veih Jee va enmyssit Ean.

Romanee 13:11

As shen, liorish coyrt tastey da’n traa, dy vel eh nish ard traa dy ghoostey ass cadley: son nish ta nyn saualtys ny sniessey na ve tra ren shin hoshiaght credjal.

1 Corinthianee 15:34

Dooisht-jee gys cairys, as ny cur-jee rish peccah; son ta paart nagh vel tushtey oc dy Yee: ta mee gra shoh gys y nearey eu.

Ephesianee 5:14

Shen-y-fa t’eh gra, Dooisht, uss ta dty chadley, as irree veih ny merriu, as ver Creest soilshey diu.