Arrane Solomon 3:11 - Yn Vible Casherick 1775 1819

¹¹ Immee-jee magh, O shiuish inneenyn Zion, as cur-jee my-ner, yn ree Solomon, ceau yn chrown ren e voir giootal da er laa e phoosey, eer laa gennallys e chree.

Arrane Solomon 3:11 ပူးပေါင်းရင်းမြစ်များ

Psalmyn 48:11

Shooill-jee mysh Sion, as immee-jee mygeayrt-y-mooee: as gow-jee coontey ny tooryn eck.

Psalmyn 9:14

Dy voddym soilshaghey ooilley dty voylley cheu-sthie jeh giattyn inneen Sion: neem’s boggey ’ghoaill ayns dty haualtys.

Arrane Solomon 1:5

O shiuish inneenyn Yerusalem, ta mee dorraghey myr cabbaneyn Chedar, agh stoamey myr curtanyn Solomon.

Arrane Solomon 2:7

Ta mee cur currym erriu, O shiuish inneenyn Yerusalem, liorish y taitnys t’eu ayns ny feeaïhee sleitagh as magheragh, nagh boir-jee my ghraih, as nagh doost-jee eh derrey saillish hene.

Arrane Solomon 7:11

Tar mârym, my ghraih, lhig dooin goll magh gys y vagher: lhig dooin aaght y ghoaill ayns ny baljyn-cheerey.

Arrane Solomon 8:5

Quoi ee shoh ta cheet seose veih’n aasagh, croymmey er e graih? fo’n billey-ooyl ren mee sooree ort, shen y raad v’ou giallit dou liorish dty voir, ayns shen v’ou nasht rhym lioreeish hug son y theihll oo.

Isaiah 4:4

Tra vees y Chiarn er niee ersooyl broïd inneenyn Zion, as er ghlenney ersooyl fuill Yerusalem veih’n vean eck, liorish spyrryd dy vriwnys, as liorish spyrryd dy lossey.

Isaiah 53:11

Ver eh my-ner seaghyn e annym hene, as bee eh er ny gherjaghey: liorish e hushtey nee my harvaant ynrick ymmodee y heyrey; son nee eh gymmyrkey nyn loghtyn.

Isaiah 62:5

Son myr ta dooinney aeg poosey moidyn, myr shen nee yn Chiarn uss y phoosey: as myr ta’n dooinney-poosee goaill boggey harrish y ven-phoost, myr shen myrgeddin nee dty Yee goaill boggey harryd’s.

Isaiah 9:6

Son dooinyn ta lhiannoo er ny ruggey, dooinyn ta mac er ny choyrt, as bee yn reiltys er e gheaylin; as bee eh enmyssit, Yn Er-yindyssagh, Fer-coyrlee, Yn Jee niartal, Yn Ayr dy bragh beayn, Yn Prince dy hee.

Jeremiah 2:2

Immee, cur eam ayns cleayshyn Yerusalem, gra, Myr shoh ta’n Chiarn dy ghra, Ta cooinaghtyn aym’s ort’s, er kenjallys dty aegid, er dty ghraih tra v’ou nasht rhym, tra deiyr oo orrym ’syn aasagh, ayns cheer nagh row rieau fo.

Jeremiah 32:41

Neem’s eer boggey ’ghoaill harrystoo dy yannoo mie daue, as ver-ym daue cummal shickyr ’sy cheer shoh lesh ooilley my chree, as ooilley my annym.

Zephaniah 3:17

Ta’n Chiarn dty Yee, niartal mayrt: nee eh sauail, gowee eh boggey harryd lesh taitnys; nee eh tannaghtyn ayns e ghraih, bee eh gennal harryd lesh kiaulleeaght.

Zechariah 6:11

Eisht gow argid as airh, as jean atteeyn, as soie ad er kione Yoshua, mac Yosedech, yn ard-saggyrt;

Noo Mian 12:42

Nee ben-reïn y jiass girree seose ayns briwnys noi yn cheeloghe shoh, as ad y gheyrey: son haink ish veih ardjyn sodjey magh y thallooin, dy chlashtyn creenaght Solomon, as cur-my-ner ta fer s’ooasle na Solomon ayns shoh.

Noo Luke 15:32

Ve cooie dooin ve gennal, as boggey y ghoaill: son v’eh shoh dty vraar marroo, as t’eh bio reesht: v’eh caillit, as t’eh er ny gheddyn.

Noo Ean 15:11

Ny goan shoh ta mee er loayrt riu, dy vod y boggey aym’s ve er-mayrn ayndiu, as dy vod y boggey euish v’er ny yannoo magh.

Noo Ean 3:29

Eshyn dooinney yn phoosee ta ben y phoosee echey: agh ta carrey dooinney yn phoosee ta ny hassoo as geaishtagh rish, goaill boggey mooar jeh coraa yn dooinney-poosee: ta shoh my voggey’s er-y-fa shen jeant magh.

Colossianee 1:18

As t’eshyn kione y chorp, yn agglish: eh ta’n toshiaght, yn chied-er-ny-ruggey veih ny merriu; dy voddagh yn ard-reill ’ve echey ayns dy chooilley nhee.

Hebrewnee 13:13

Lhig dooin er-y-fa shen goll magh huggeysyn cheu-mooie jeh’n champ, gymmyrkey yn scammylt echey.

Hebrewnee 2:9

Agh ta shin fakin Yeesey, va jeant son tammylt ny s’inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.

Ashlish 1:7

Cur-my-ner, t’eh cheet lesh bodjallyn; as hee dy chooilley hooill eh, as adsyn myrgeddin ren eh y hoylley: as nee ooilley kynneeyn y thallooin dobberan kyndagh rish: myr shen dy row, Amen.

Ashlish 19:12

As va ny sooillyn echey myr lossey dy aile, as er e chione va ymmodee attaghyn; as va ennym echey scruit nagh row dooinney erbee dy hoiggal agh eh-hene:

Ashlish 19:7

Lhig dooin ve gennal as boggey ’ghoaill, as ooashley y choyrt da; son ta poosey yn Eayn er jeet, as ta e ven-phoost er n’yannoo ee hene aarloo.